ფოთში ავტომანქანა ელექტრობოძს დაეჯახა, წაქცეული ბოძი კი იქვე, ჭიშკართან მდგომ ახალგაზრდა მამაკაცს დაეცა

0
387
ფოთში, ნაბადის უბანში, ჭავჭავაძის ქუჩაზე გუშინ, გვიან ღამით ავტოსაგზაო შემთხვევა მოხდა. შედეგად ორი ადამიანი დაშავდა. არსებული ინფორმაციით,"ფორდის" მარკის ავტომანქანის   მძღოლმა საჭე ვერ დაიმორჩილა და ელექტრობოძს დაეჯახა.  შეჯახება იმდენად ძლიერი იყო, რომ ბოძი მოწყდა და იქვე, ჭიშკართან მდგომ ახალგაზრდა მამაკაცს დაეცა.
 
"ადგილზე მისულებს დაგვხვდა ორი დაშავებული. გავუწიეთ შესაბამისი დახმარება და გადავიყვანეთ ქალაქის ჰოსპიტალში. ჭიშკართან მდგომი ახალგაზრდა მამაკაცის მდგომარეობა კრიტიკულია, მეორის, ავტომანქანის მძღოლისა კი სტაბილური", – განუცხადა ჟურნალისტებს საგანგებო სიტუაციების კოორდინაციისა და გადაუდებელი დახმარების ფოთის ცენტრის მენეჯერმა კესო გელენიძემ.
 
შინაგან საქმეთა სამინისტროს ინფორმაციით, მომხდართან დაკავშირებით გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის დაზიანება.
წინა სტატიაუკრაინელი ბავშვების ჯანმრთელობის მდგომარეობა გაუმჯობესდა. მათი თანმხლები ქალის მიმართ გამოძიება ტრეფიკინგის მუხლით წარმოებს
შემდეგი სტატიაპარლამენტში სუს-ის ანგარიშის მოსმენა კითხვა-პასუხის ნაწილში დაიხურა. ,, ეს საინტერესო იქნება არა მარტო მოყვრისთვის, არამედ მტრისთვისაც” – განაცხადა გრიგოლ ლილუაშვილმა
ტელეკომპანია ოდიშის საინფორმაციო სამსახური