ზუგდიდის რეფერალურ საავადმყოფოში წუხელ ინტოქსიკაციის ნიშნებით 10-მდე  მცირეწლოვანი მაოთავსეს.ბავშვები უცხოეთის მოქალაქეები არიან. შემთხვევა წუხელ სანქტ პეტერბურგის  ქუჩაზე მოხდა.

მეზობლების ინფორმაციით, ბავშვები აქ საეჭვო ვითარებაში ყავდათ, თუმცა ვერ აკონკრეტებენ რა უნდა ყოფილიყო ეს: "არ ვიცით რა მოხდა,  აქ ქირით ცხოვრობენ თვეზე მეტია. მარტოხელა ქალია, გარეთ დადიოდა საჭმელზე, არავისთან არ კონტაქტობდა, ხმაური გავიგეთ წუხელ, ბავშვები ტიროდნენ. გვერდითა მეზობელმა პოლიცია გამოიძახა და გადაიყვანეს საავადმყოფოში"- ყვებიან მეზობლები. 

რაც შეეხება ზუგდიდის რეფერალური საავადმყოფოს მორიგე ექიმის ინფორმაციით, საავადმყოფოში შემოყვანილი არის 10 ბავშვი, მათი ასაკია – 10-11-8 წელი, 3 მათგანი წლისაა, ერთი 1 წლის, ხოლო ყველაზე პატარა 7თვის. "ბავშვები სასწრაფო დახმარების ბრიგადამ შემოიყვანა, სავარაუდოდ დაუზუსტებელი საკვების ინტოქსიკაციით. უცხო ქვეყნის მოქალაქეები არიან. ახლა ინფექციურ საავადმყოფოში გადაგვყავს"- განუცხადა ჟურნალისტებს ექიმმა მზია გერგედავამ.