ზუგდიდის რეფერალურ ჰოსპიტალში კვებითი ინტოქსიკაციის ნიშნებით მოთავსებული 10 ბავშვი ამ წუთებში სასწრაფო სახმარების ბრიგადებს ინფექციურ საავადმყოფოში გადაყავთ, ადგილზე არ კონკრეტდება თუ რომელ ქალაქში გადაიყვანენ არასრულწლოვნებს. სავარაუდოდ მათ ქუთაისის ინფექციურ ჰოსპიტალში მოათავსებენ. ბავშვებს თან ახლავს უკრაინის მოქალაქე იულია სუსლიაკი, რომელიც ამტკიცებს, რომ მათი დედაა. მას ჟურნალისტებთან კომენტარის გაკეთება არ სურს და კამერებს თავს არიდებს.
ზუგდიდის რეფერალურ ჰოსპიტალში კვებითი ინტოქსიკაციის ნიშნებით 10 ბავშვი წუხელ შეიყვანეს, მათ შორის ერთი შვიდი თვის გოგონაა.. შემთხვევა წუხელ სანქტ პეტერბურგის ქუჩაზე მოხდა.
შინაგან საქმეთა სამინისტრომ აღნიშნულ ფაქტთან დაკავშირებით გამოძიება სსკ-ის 143 პრიმა მუხლის 1-ლი ნაწილით დაიწყო, რაც ადამიანით ვაჭრობა – ტრეფიკინგს გულისხმობს