ნარაზენის ინციდენტისას დაკავებული მანუჩარ ჩხეტიას სასამართლო პროცესი რამდენიმე წუთის წინ დასრულდა.მას 1500 ლარის გადახდა მოუწევს. ჩხეტია სასამართლოზე ადვოკატთან ერთად მივიდა. დღეს სასამართლომ სარეზოლუციო ნაწილი გამოაცხადა. ყოფილ პოლიციელს ბრალი 166-ე და 173- ე მუხლებით აქვს წაყენებული, რაც პოლიციელებისთვის წინააღმდეგობის გაწევასა და ხულიგნობას ითვალისწინებს. მანუჩარ ჩხეტიას თქმით, ის არის უდანაშაულო და ეს დაკავება იყო მხოლოდდამხოლოდ პოლიტიკური მოტივით „ არანაირი დანაშაული არ მქონია, არავისთვის არ გამიწევია წინააღმდეგობა, პოლიციის უფროსი ირაკლი ფაცაცია პირადად ახორციელებდა ჩემს დაკავებას“- აცხადებდა ჩხეტიამ 12 აპრილს სასამართლო სხდომის დასრულების შემდეგ. შემთხვევა ნარაზენში 11 აპრილს, მაშინ მოხდა, როცა გაერთიანებული ოპოზიციის მერობის კანდიდატი სანდრა რულოვსი საარჩევნო შეხვედრას მართავდა.