გრიგოლიშში დაჭრილი მამაკაცის მდგომარეობა მძიმეა

0
399
გრიგოლიშში წუხელ დაჭრილი მამაკაცის მდგომარეობა მძიმეა, ამის შესახებ ზუგდიდის რეფერალურ ჰოსპიტალში აცხადებენ, სადაც წუხელ 28 წლის ახალგაზრდას ოპერაცია ჩაუტარდა. „მდგომარეობა მძიმედ რჩება, დინამიკაში გაუარესების გარეშე, მართვით სუნთქვაზე, უგრძელდება შესაბამისი ინტენსიური თერაპია"- აცხადებენ საავადმყოფოში.
ზუგდიდში, ახალგაზრდა მამაკაცის სხეულის დაზიანების ფაქტზე, შსს-მ გამოძიება სისხლის სამართლის კოდექსის 19-108 მუხლით დაიწყო, რაც განზრახ მკვლელობის მცდელობას გულისხმობს. უწყების ცნობითვე, დანაშაულის სავარაუდოდ ჩამდენი პირის ვინაობა დადგენილია და ის ბეჟან გვაზავაა.
მისი დაკავების მიზნით მიმდინარეობს საგამოძიებო ღონისძიებები. ზუგდიდში დაჭრილი ახალგაზრდა მამაკაცი ალიკა ლაგვილავაა. შემთხვევა ზუგდიდის მუნიციპალიტეტის სოფელ გრიგოლიში მოხდა. ლაგვილავა "ქართული ოცნების" აქტივისტია.
წინა სტატიაზუგდიდში დაჭრილი ახალგაზრდა მართვით სუნთქვაზე იმყოფება
შემდეგი სტატიაკომერციული მოსყიდვის ფაქტზე “საქართველოს რკინიგზის” ორი თანამშრომელი დააკავეს
ტელეკომპანია ოდიშის საინფორმაციო სამსახური