პორტუგალიაში მადეირას კუნძულზე ტურისტული ავტობუსის ავარიის შედეგად 28 ადამიანი დაიღუპა.
ამის შესახებ ინფორმაციას სააგენტო “როიტერსი” ავრცელებს.
არსებული ინფორმაციით, მთიან გზაზე მძღოლმა მართვის კონტროლი დაკარგა და გზასთან მდებარე შენობას შეეჯახა.
როგორც ადგილობრივი მედია იუწყება, ავტობუსში სულ 50 მგზავრი იმყოფებოდა.
დაღუპულებს შორის გერმანიის 9 მოქალაქეა. დაშავებულები უახლოეს საავადმყოფოში გადაიყვანეს.
