სანდრა რულოვსი:7 წელი საკმარისი დრო იყო ზუგდიდში გზების სრულად მოსაწესრიგებლად, მაგრამ საბიუჯეტო თანხები არა მოქალაქეების პრობლემების გადასაჭრელად, არამედ ძალაუფლების შენარჩუნებისთვის გამოიყენება

0
438
გაერთიანებული ოპოზიციის ზუგდიდის მერობის კანდიდატმა სანდრა რულოვსმა ზუგდიდის ცენტრალური ქუჩები მოინახულა. ზუგდიდში გზის საფარი სავალალო მდგომარეობაშია.
 
სანდრა რულოვსის განცხადებით, მაშინ როდესაც ბიუჯეტის 1/3 ინფრასტრუქტურაზე იხარჯება, 7 წელი საკმარისი დრო იყო ზუგდიდში გზების სრულად მოსაწესრიგებლად. მერობის კანდიდატის თქმით, საბიუჯეტო თანხები არა მოქალაქეების პრობლემების გადასაჭრელად, არამედ ძალაუფლების შენარჩუნებისთვის გამოიყენება.
 
„მუნიციპალიტეტის ბიუჯეტის 35 % იხარჯება ინფრასტრუქტურაზე. ეტყობა რამე ქალაქს? საშინელებაა, უმძიმეს მდგომარეობაშია ეს გზები. მე მგონი საკმარისი დრო ჰქონდათ 7 წელიწადი, რომ ინფრასტრუქტურა მოეწესრიგებინათ და არ მოწესრიგდა. ისინი თუ გაჩერდებიან ხელისუფლებაში ეს გამოყვანილი ტექნიკაც გაჩერდება. მათი გაკეთებული საქმე მოჩვენებითია და უხარისხო. მათი მიზეზი არის ძალაუფლების შენარჩუნება და არა ხალხზე ზრუნვა. ჩვენ ამას სხვანაირად გავაკეთებთ. ჩვენი მუშაობა იქნება დროული, იქნება ხარისხიანადა იქნება ხარისხიანი. მთელი ქალაქი ერთდროულად კი არ უნდა იყოს გადათხრილი,“- განაცხადა რულოვსმა.
წინა სტატიალაშა ბერულავას ატოცური დღიურებიდან
შემდეგი სტატია,,სამთავრობო ცლილებებზე არაფერი ვიცი, მაგრამ, თუ რამე მემუქრება, ამასაც თვალს გავუსწორებ”, – განაცხადა გიორგი გახარიამ.
ტელეკომპანია ოდიშის საინფორმაციო სამსახური