ფიზიკური დაპირისპირება ბათუმის საკრებულოში ამჯერად… ტერენტი გრანელის გამო

0
390
ბათუმის საკრებულოში „ქართული ოცნებისა“ და „ნაციონალური მოძრაობის“ წევრები დღეს უკვე მეორედ, ერთმანეთს ფიზიკურად დაუპირისპირდნენ.
 
ფიზიკური დაპირისპირება „ნაციონალური მოძრაობის“ წევრ მირდატ ქამადაძესა და „ქართული ოცნების“ წევრ ირაკლი პატარიძეს შორის მოხდა.
 
დაპირისპირება მას შემდეგ დაიწყო, რაც ირაკლი პატარიძემ ბათუმის საკრებულოში მოხსენებით გამოსვლისას განაცხადა, რომ დაგეგმილი იყო პროზაიკოს ტერენტი გრანელის ბიუსტის განთავსება, მირდატ ქამადაძემ კი მას შეუსწორა, რომ ტერენტი გრანელი პოეტია. აღნიშნულს ირაკლი პატარიძის გაღიზიანება მოჰყვა, რის შემდეგაც ისინი ერთმანეთს ჯერ სიტყვიერად, შემდეგად კი ფიზიკურად დაუპირისპირდნენ.
 
დაპირისპირებაში სხვა დეპუტატებიც ჩაერთვნენ.
 
ამ წუთებში ბათუმის საკრებულოში სამართალდამცავები ისევ რჩებიან, სხდომაზე კი შესვენებაა გამოცხადებული.
 
 ფიზიკური დაპირისპირების შედეგად „ნაციონალური მოძრაობის“ წევრი როინ ზოიძე დაშავდა. ადგილზე სასწრაფო-სამედიცინო დახმარების ბრიგადა გამოიძახეს, რომელსაც დაშავებული საავადმყოფოში გადაჰყავს.
 
როგორც ზოიძემ „ინტერპრესნიუსთან“ საუბრისას განაცხადა, მას „ქართული ოცნების“ წევრებმა დაზიანებები სახის არეში მიაყენეშეგახსენებთ, რომ ბათუმის საკრებულოში ოპოზიცია და მმართველი გუნდი ერთმანეთს სიტყვიერად და ფიზიკურად დაახლოებით ერთი საათის წინაც დაუპირისპირდნენ.
 
შეგახსენებთ, ბათუმის საკრებულოში „ქართული ოცნებისა“ და „ნაციონალური მოძრაობის“ წევრები დღეს უკვე მეორედ, ერთმანეთს ფიზიკურად დაუპირისპირდნენ.

წინა სტატიაბაჩანა შენგელია დარწმუნებულია, რომ თადუმაძის უწყებას მომხდარი სათანადოდ არა აქვს გამოძიებული, რის გამოც მას მასალების გაცნობის უფლებას არ აძლევენ
შემდეგი სტატიაგაერთიანებული ოპოზიციის ბრალდებებს „ქართულ ოცნებაში“ პროვოკაციად აფასებენ
ტელეკომპანია ოდიშის საინფორმაციო სამსახური