ხმაური და დაძაბულობა ზუგდიდში – ადგილზე სასწრაფოს გამოძახება გახდა საჭირო

0
400

სიტუაცია წუხელ ზუგდიდის პოლიციის სამმართველოსთან მას შემდეგ დაიძაბა, რაც დაკავებულთაგან ერთ-ერთი მანუჩარ ჩხეტია არ გაათავისუფლეს.სამმართველო გვიან ღამით დატოვა ენმ-ის ზუგდიდის საკრებულოს წევრმა ანი წითლიძემ.თუმცა ამ დრომდე დაკავებულია პარტიის კიდევ ერთი წევრი მანუჩარ ჩხეტია. სამმართველოსთან იმყოფებოდნენ ჩხეტიას ოჯახის წევრები, რომლებიც სამართალდამცავებისგან ითხოვდნენ პასუხს, თუ რატომ დააკავეს მანუჩარ ჩხეტია. სამმართველოს ეზოში ჩხეტიას ოჯახის წევრი ცუდად გახდა, რის გამოც სასწრაფოს გამოძახება გახდა საჭირო. ანი წითლიძემ ჟურნალისტებს განუცხადა, რომ ჩხეტიას მასთან ერთად უშვებდნენ, თუმცა მოულოდნელად პოლციამ შეცვალა გადაწყვეტილება და ის ადვოკატის გარეშე პოლიციის შენობიდან წაიყვანეს. „არ გვეუბნებიან რატომაა დაკავებული, რის საფუძველზე. სამხარეო პოლიციის უფროსი და ქალაქის პოლიციის უფროსი, რომლებიც აქ დგანან და ჩვენზე უკანონო თვალთვალს ახორციელებდნენ, არ გვეუბნებიან რატომ არის ჩხეტია დაკავებული“ – განაცხადა წითლიძემ. პოლიციის სამმართველოსთან გაერთიანებული ოპოზიციის ლიდერები და მერობის კანდიდატი სანდრა რულოვსი იმყოფებოდნენ. შსს-ის ინფორმაციით, სამართალდამცავებმა ოპოზიციის წევრები პოლიციისთვის წინააღმდეგობის გაწევასა და წვრილმანი ხულიგნობისთვის დააკავეს. მოგვიანებით პოლიციაში მყოფ გიორგი პატარაიას განუცხადეს, რომ ის გამოკითხვაზე ყავდათ.

წინა სტატია“პოლიციელების ჩართულობა სჭირდებათ ჩემი შეშინებისთვის, ტერორისთვის, ხელისშეშლისთვის”- სანდრა რულოვსი პოლიციის სამმართველოსთან იმყოფება [Video]
შემდეგი სტატიასოფელ ჭაქვინჯში საცხოვრებელი სახლი იწვის
ტელეკომპანია ოდიშის საინფორმაციო სამსახური