ზუგდიდის პოლიციის სამმართველოსთან გაერთიანებული ოპოზიციის ლიდერები, მხარდამჭერე და "ევროპული საქართველოს" წევრები იმყოფებიან. აქ იმყოფება მერობის კანდიდატი ზუგდიდში სანდრა რულოვსიც. მან ჟურნალისტებთან მომხრდაზე კომენტარი გააკეთა:
„ისინი უბრალოდ აპროტესტებდნენ რომ ჩემი საარჩევნო კამპანიის ჩაშლაში პოლიციელები მონაწილეობდნენ და ითხოვდნენ რეაგირებას“- ამის შესახებ ჟურნალისტებს პარტიის სამი წევრის დაკავებასთან დაკავშირებით სანდრა რულოვსმა განუცხადა.
„ნაციონალური მოძრაობის“ ზუგდიდის მერობის კანდიდატის თქმით იგი „აზრზე არ არის რას აბრალებენ დაკავებულებს“.
„მთელი დღე დავდიოთ ხალხთან შეხვედრებზე და დაგვზდევდა ერთი მანქანა. შიგნით იყო ორი ადამიანი. ჩვენ დავაფისიქრეთ ისინი, გავარკვიეთ ვინები იყვნენ, მანქანაც გადავიღე და აღმოჩნდა რომ ესენი იყვნენ პოლიციელები. დავურეკეთ სამართალდამცველებს და იმის მაგივრად რომ დაეკავებინათ ეს ორი ადამიანი, რომლებიც უკანონო მოქმედებაში იყვნენ შემჩნეული, ხელს გვიშლიდნენ ხალხთან შეხვედრაში, პროვოკატორებს გვეძახდნენ, ამის მაგივრად დააკავეს სამი ჩვენი ადამიანი. ისინი ვინც უბრალოდ მას აპროტესტებდნენ. ეს ძალიან მიუღებელი ფაქტია. პროვოკატორების და პოლიციელების ჩართულობა სჭირდებათ ჩემი შეშინებისთვის, ტერორისთვის, ხელისშეშლისთვის, რადგან ჩვენ ხალხთან მიგვაქვს სიმართლე, ჩვენ ხალხს ვთავაზობთ განვითარებას, ვთავაზობთ გათავისუფლებას ამ მონობიდან. მანამ სანამ ქვეყანა უფსკრულში არ ჩავარდება ჩვენ უნდა ვიმოქმედოთ და ზუგდიდიდან დავიწყოთ საქართველოს გათავისუფლება. ამიტომ ჩვენ არ შეგვეშინდება“- განაცხადა სანდრა რულოვსმა.