სანდრა რულოვსი პანკისელი ახალგაზრდებისთვის თემირლან მაჩალიკაშვილის სახელობის სტიპენდიას აწესებს

0
438
ფონდი „soco“ თემირლან მაჩალიკაშვილის სახელობის სტიპენდიას აწესებს. ამის შესახებ გაერთიანებული ოპოზიციის მერობის კანდიდატმა სანდრა-ელისაბედ რულოვსმა ტელეკომპანია „ოდიშის“ ეთერში გადაცემა „დიალოგში“ სტუმრობისას განაცხადა. „იმ ახალგაზრდებს, რომლებიც პანკისში ცხოვრობენ და სურთ განათლება მიიღონ და ისწავლონ უნივერსიტეტებში, პროექტის ფარგლებში დაფინანსდებიან. ეს იქნება თემირლან მაჩალიკაშვილის პატივისცემის ნიშნად, მისი შელახული სახელის სხვა დონეზე გადაყვანა. ეს იქნება ჩემი პატარა ნაბიჯი ამ მიმართულებით, რომ პანკისელ ახალგაზრდებს დავეხმარო“- განაცხადა სანდრა რულოვსმა.
საქველმოქმედო ფონდ  „soco”-ს უკვე დაწესებული აქვს დები ზარანდიების სახელობის სტიპენდია. პროექტის ფარგლებში სექტემბრიდან 10-მდე პანკისელი სტუდენტი მიიღებს სტიპენდიას.
 
წინა სტატიაივანიშვილის მტკიცებით, კლანურობა “ენჯეობისა” და ენმ-სგან მოდის
შემდეგი სტატიამაია რჩეულიშვილს, 7 წლით თავისუფლების აღკვეთა მიესაჯა
ტელეკომპანია ოდიშის საინფორმაციო სამსახური