საინიციატივო ჯგუფების მიერ ზუგდიდის მერის რიგგარეშე არჩევნებისთვის კანდიდატის დასარეგისტრირებლად ხელმოწერების წარდგენის ვადა ამოიწურა.
საოლქო საარჩევნო კომისიის ინფორმაციით, ხელმოწერები სამი კანდიდატის: ზვიად სიჭინავას, თენგიზ ჯგუშიას და დავით თორდიას დასარეგისტრირებლად წარადგინეს.
„ჩავიბარეთ ხელმოწერები, თუმცა ოფიციალურად ჯერ არ დაგვირეგისტრირებია. შევამოწმებთ, თუ ხარვეზი დაუდგინდათ, გამოსასწორებლად ერთდღიანი ვადა მიეცემათ და ამის შემდგომ დარეგისტრირდებიან. ჯერჯერობით პარტიების მიერ წარდგენილ კანდიდატებს დარეგისტრირების მოთხოვნით არ მოუმართავთ”, – განაცხადეს ზუგდიდის საოლქო საარჩევნო კომისიაში.
ზუგდიდის მუნიციპალიტეტის მერის რიგგარეშე არჩევნები 19 მაისს გაიმართება.