რატომ გაიქცა საქართველოს პრეზიდენტი რუსთაველის გამზირიდან – სალომე ზურაბიშვილის ადმინისტრაციის ხელმძღვანელი განმარტებებს არ აკეთებს.
ლაშა ჟვანიას განცხადებით, არ იცის რატომ დატოვა პრეზიდენტმა რუსთაველის გამზირი უკომენტაროდ. ჟვანია ჟურნალისტებს ურჩევს საკითხზე პრეზიდენტის პრესსპიკერს მიმართონ.
საქართველოს პრეზიდენტი, რომელიც რუსთაველის გამზირზე იმყოფებოდა, ჟურნალისტებს გაექცა. სალომე ზურაბიშვიილმა განცხადება არც 9 აპრილთან დაკავშირებით და არც უზენაესი საბჭოს ყოფილი წევრების განცხადებებთან დაკავშირებით გააკეთა.
საქართველოს დამოუკიდებლობის აქტის ხელმომწერები, რომლებიც პრეზიდენტს რუსეთის ინტერესების გატარებაში ადანაშაულებენ რუსთაველის გამზირზე იმყოფებოდნენ, რა დროსაც სალომე ზურაბიშვილი მივიდა.
ზურაბიშვილმა აღნიშნულ საკითხზე მედიის მიერ დასმულ კითხვებს არ უპასუხა და ტერიტორია დაცვის დახმარებით დატოვა.