„მე ვარ ქართველი და მაშასადამე, ვარ ევროპელი“- ზურაბ ჟვანიას ვარსკვლავი სტრასბურგში გაიხსნება

0
392

სტრასბურგში, ევროპის საბჭოს სასახლის წინ, ზურაბ ჟვანიას ვარსკვლავი გაიხსნება. ვარსკვლავზე, ზურაბ ჟვანიას სახელთან და გვართან ერთად, პოლიტიკოსის ერთ-ერთი ყველზე ცნობილი ფრაზას – „მე ვარ ქართველი და მაშასადამე, ვარ ევროპელი“, დაიტანენ. ეს ფრაზა ზურაბ ჟვანიამ 20 წლის წინ ევროპის საბჭოს საპარლამენტო ასამბლეის სხდომაზე წარმოთქვა, მას შემდეგ, რაც ასამბლეამ ერთსულოვნად დაუჭირა მხარი საქართველოს ევროსაბჭოში გაწევრიანებას. ამის შესახებ ინფორმაციას პარლამენტის პრესსამსახური ავრცელებს. „ჩვენთვის ძალიან საამაყოა, რომ ზურაბ ჟვანიას ვარსკვლავი გაიხსნება ასამბლეის სასახლის წინ. ვარსკვლავები, როგორც წესი, იხსნება სრულიად განსაკუთრებული ადამიანებისთვის, რომლებსაც განსაკუთრებული როლი აქვთ ევროსაბჭოში შესრულებული და ეს ჩვენთვის ძალიან დიდი მოვლენაა,“ – განაცხადა სტრასბურგში ვიზიტით მყოფმა პარლამენტის თავმჯდომარის პირველმა მოადგილემ, ევროპის საბჭოს საპარლამენტო ასამბლეაში საპარლამენტო დელეგაციის ხელმძღვანელმა, თამარ ჩუგოშვილმა. ევროპის საბჭოს სასახლის წინ იმ ცნობილი პოლიტიკური მოღვაწეების ვარსკვლავებია განთავსებული, რომლებსაც ევროპის საბჭოს მუშაობაში განსაკუთრებული წვლილი აქვთ შეტანილი.

წინა სტატია9 აპრილის მემორიალთან ახალგაზრდებმა მდუმარე აქცია გამართეს
შემდეგი სტატიამძიმე სოციალური ფონია, მაგრამ „ქართულ ოცნებას“ ამაში დანაშაული არ მიუძღვის- ბიძინა ივანიშვილი
ტელეკომპანია ოდიშის საინფორმაციო სამსახური