„9 აპრილი ტრაგედიასთან ერთად არის გამარჯვების დღეც, ქართველი ერის გაერთიანების დღე, ეს არის სიმბოლო თავისუფლებისთვის ბრძოლის და მტერზე გამარჯვების, ამ დღემ გააერთიანა მთელი ქართველი ერი და შედეგიც იყო შესაბამისი – საქართველომ მოიპოვა დამოუკიდებლობა. მე მგონია, რომ მომავალმა თაობებმა კარგად უნდა იცოდნენ რა არის 9 აპრილი და ის არასოდეს არ უნდა განმეორდეს საქართველოში,საქართველო არასოდეს არ უნდა გახდეს ქვეყანა, რომელსაც მოუწევს ბრძოლა სახელმწიფოებრიობის მოპოვებისთვის და დამოუკიდებლობისთვის. თუმცა, სამწუხაროდ ეს ბრძოლა დღესაც გრძელდება, მაგრამ სხვა ფორმა აქვს- ეს არის სახელმწიფოებრივი აღმშენებლობის პროცესი და ამას სათავე დაუდო სწორედ 9 აპრილმა. ამიტომაც არის ყველაზე მნიშვნელოვანი თარიღი 9 აპრილი რადგან ამ დღემ მოგვიტანა დამოუკიდებლობა და დასაბამი მისცა საქართველოს განვითარდეს, როგორც ევროპული თანამეგობრობის წევრი ძლიერი სახელმწიფო“- გნაცხადა გაერთიანებული ოპოზიციის ერთ-ერთმა ლიდერმა ბაჩუკი ქარდავამ.