ფეხბურთის ფედერაციის ყოფილი პრეზიდენტი ზვიად სიჭინავა ზუგდიდის მერის რიგგარეშე არჩევნებში მონაწილეობას მიიღებს- ამის შესახებ "ოდიშინიუსს" საოლქო საარჩევნო კომისიაში სიჭინავას წარმომადგენელმა გია ტუღუშმა დაუდასტურა. „მოვაგროვეთ 1800 ხელმოწერა, შეგვაქვს საოლქოში და ვრეგისტრირდებით“- განაცხადა გია ტუღუშმა.
ზუგდიდში მოქმედი კანონმდებლობით მერის რიგგარეშე არჩევნები 2019 წლის მაისს გაიმართება. ზვიად სიჭინავა მერობის მსურველი დამოიკუდებელ კანდიდატებს შორის ერთ-ერთია, ის აცხადებდა, რომ მზად იყო ნებისმიერი პარტიისგან მიეღო შემოთავაზება არჩევნებში მონაწილეობაზე, თუმცა როგორც სიჭინავამ განაცხადა, არც მმართველი პარტიიდან და არც ოპოზიციიდან მსგავსი წინადადება არავის შეუთავაზებია, ამიტომაც გადაწყვიტა კენჭი ეყარა დამოუკიდებლად. ის ერთხელ უკვე იყო მერობის კანდიდატი ზუგდიდში, 2017 წლის არჩევნებში ზვიად სიჭინავა საინიციატივო ჯგუფმა წარადგინა.