„ქართული ოცნების“ ზუგდიდის მერობის კანდიდატი გიორგი შენგელია პრემიერ-მინისტრმა მამუკა ბახტაძემ ოფიციალურად წარადგინა. შეკრებილებს სიტყვით მიმართა ,,ქართული ოცნების,, პოლიტიკურმა მდივანმა კახი კალაძემ, ირაკლი ღარიბაშვილმა. გიორგი შენგელიამ „ქართულ ოცნებას“ მხარდაჭერისთვის მადლობა გადაუხადა და განაცხადა, რომ ხალხთან ერთად იზრუნებს ზუგდიდის უკეთესი მომავლისთვის და განახორციელებს ყველა იმ ინფრასტრუქტურულ პროექტებს, რაც დაგეგმილი და დაწყებულია.„დარწმუნებული ვარ, თქვენთან ერთად ძალიან ბევრ კარგ საქმეს გავაკეთებთ, განვახორციელებთ ყველა ინფრასტრუქტურულ პროექტს“-განაცხადა გიორგი შენგელიამ.
"მე მაქსიმალურად უზრუნველვყოფ თითოეული თქვენგანის ჩართულობას თვითმმართველობის საქმიანობაში. მაქსიმალურად მოვარგებ ინფრასტრუქტურულ პროექტებს თქვენს საჭიროებებს. ჩვენი ქალაქი თქვენთან ერთად უკეთეს რეალობაში იცხოვრებს", – მიმართა მერობის კანდიდატმა შეკრებილებს.