პატიმრების საქმეს, რომლებმაც ბათუმის ციხეში თვითდაზიანებები მიიღეს, სახალო დამცველი შეისწავლის. ომბუდსმენის წარმომადგენელმა უკვე მოინახულა სამივე მათგანი. გიორგი ჩარკვიანის ინფორმაციით, ორს თვითდაზიანება ხელზე ნემსითა და ძაფით აქვს მიყენებული, ერთს კი, ლითონის მავთულით ხელსა და ყელზე. პროტესტის მიზეზად პატიმრები გაუსაძლის პირობებსა და ციხის ადმინისტრაციის მხრიდან ზეწოლას ასახელებენ. ამის შესახებ საუბრობენ სხვა პატიმრებიც, რომლებმაც ციხიდან წერილი გამოგზავნეს. სპეციალურ პენიტენციურ სამსახურში კი ბრალდებებს უარყოფენ.