მთავარისიახლეებისაზოგადოებამეფე გაიქცა? არა. დედა დედოფალი ცუდად გამხდარა

მეფე გაიქცა? არა. დედა დედოფალი ცუდად გამხდარა

Published on

დავით ბაგრატიონ-მუხრანელმა, რომელსაც ყოფილი მეუღლე ძალადობაში ადანაშაულებს,  ქვეყანა დატოვა, – ეს ინფორმაცია ჟურნალისტებს ბაგრატიონ-მუხრანელის ადვოკატმა განუცხადა.  
 
როგორც ადვოკატი ამბობს, დავით ბაგრატიონ-მუხრანელი მადრიდში გაემგზავრა, გადაწყვეტილება კი გუშინ გვიან ღამით მიიღო.
 
როგორც ადვოკატი ლევან ჩხეიძე აცხადებს, ბაგრატიონ-მუხრანელმა გუშინ შეიტყო,რომ დედა ცუდად გაუხდა. კითხვაზე, აქვს თუ არა მტკიცებულება დავით ბაგრატიონ-მუხრანლეს, რომ დედა ნამდვილად ავად ჰყავს, ადვოკატი ამბობს, რომ მისი დაცვის ქვეშ მყოფს საავადმყოფოდან შესაბამისი დოკუმენტაცია ჯერ გამოთხოვილი არ აქვს. ჩხეიძის თქმით, დეტალებზე ის მას შემდეგ ისაუბრებს, რაც დავით ბაგრატიონი მადრიდში ჩავა.
 
ადვოკატი ამბობს, რომ მიმდინარე სამართლებრივ დავას, რომლის მიხედვითაც ანა ბაგრატიონ-გრუზინსკი, ყოფილ მეუღლეს ძალადობაში ადანაშაულებს, დავით ბაგრატიონის წასვლასთან კავშირი არ აქვს. ჩხეიძე ამბობს, რომ მისი დაცვის ქვეშ მყოფი მეფე ძებნილი არ არის. 
 
მისივე თქმით, ბაგრატიონ-მუხრანელის დედა ცუდად მას შემდეგ გახდა, რაც გაიგო, რომ ყოფილი რძალი, მის შვილს ცემასა და თავისუფლების უკანონო აღკვეთაში ადანაშაულებს. 
 
„როგორც კი ბატონი დავითი ჩავა ესპანეთში, ჯერ გზაშია, ჰოსპიტლიდან მოცემულ ყველა დოკუმენტაციას გავასაჯაროებთ. ის, რომ ასეთი ბრალდებები წამოვიდა მის შვილთან მიმართებაში, ამან იქონია სტრესული გავლენა მასზე, მიიღო ღამით შეტევა და გადაიყვანეს კლინიკაში. პირველი ბატონ დავითს გამოძიებისთვის არ შეუტყობინებია ქვეყნის დატოვების შესახებ, ამაში უკანონო არაფერი იყო, ის არ არის ძებნაში და შესაბამისად მან თავისუფლებად შეძლო საზღვრის გადაკვეთა,“- ამბობს ადვოკატი.

სიახლეები

კახეთში დაჭრილი პირებიდან, ერთ-ერთი კახეთის პოლიციის თანამშრომელია

შინაგან საქმეთა სამინისტროს განცხადებით, კახეთში ორი პირის დაჭრის ფაქტზე 1999 წელს დაბადებული ნ.რ. დააკავეს....

საქართველოს საკითხებზე ევროპარლამენტში დღეს დებატები გაიმართება

ევროპარლამენტში დღეს საქართველოს საკითხზე დებატები გაიმართება - წინასწარ ცნობილი დღის წესრიგის მიხედვით, ევროპარლამენტარები კენჭს...

მოსახლეობის უმრავლესობა მიიჩნევს, რომ პოლიტიკურ კრიზისზე პასუხისმგებელი ოცნებაა – ISSA

სოციალური კვლევისა და ანალიზის ინსტიტუტის (ISSA) ახალი კვლევის მიხედვით, საქართველოში პოლიტიკური კრიზისის არსებობას არსებობას...

ძალიან მძიმე ტრავმები აქვს, შოკისმომგვრელი ამბავი იყო ყველასთვის – სარჯველაძე რიჟვაძეზე

პირველ საუნივერსიტეტო კლინიაკში, სადაც აჭარის მთავრობის ყოფილი თავმჯდომარე, თორნიკე რიჟვაძეა გადაყავანილი ივანიშვილის ჯანდაცვის მინისტრი,...