საქართველოს პრემიერ-მინისტრმა  მამუკა ბახტაძემ გააკეთა კომენტარები წერილზე, რომელიც მას 11-მა გავლენიანმა ევროპარლამენტარმა   მისწერა.

წერილში სხვა საკიტხებტან ერთად საუბარია საპრეზიდენტო არჩევნების წინასაარჩევნო პერიოდში ზუგდიდის მეექვსე საჯარო სკოლის დირექტორის ია კერზაიას გარდაცვალების საქმეზე. ევროპარლამენტარები საქმის დროულ გამოძიებაზე საუბრობენ.

საქართველოს პრემიერ-მინისტრის განცხადებით, ია კერზაიას საქმე არის ადამიანური ტრაგედია და გამოძიების გაწელვის მიზეზი კი ის არის, რომ საჭიროა თითოეული დეტალის გამორკვევა, ამით კი, როგორც პრემერი აცხადებს, თავადაც არის დაინტერესებული:

„ეს არის ადამიანური ტრაგედია და მესმის, რომ საზოგადოებაში არის მაღალი ინტერესი, რომ გაირკვეს თითოეული დეტალი ამ ტრაგედიასთან დაკავშირებით. ჩვენ ასევე მოვისმინეთ მინისტრის კომენტარი და მინისტრი ყოველთვის მზად არის, რომ საზოგადოებას უპასუხოს. ვიცით, რომ პროკურატურა აგრძელებს გამოძიებას, საზოგადოებაში არის ინტერესი, რომ რაც შეიძლება დროულად მოხდეს გარკვევა. მეც მაქვს ეს ინტერესი, რომ რაც შეიძლება დროულად მოხდეს, წამზომზე აპელირება შეიძლება არ იყოს სწორი მიდგომა, გვსურს, რომ თითოეული დეტალი იქნეს გარკვეული“, – განაცხადა მამუკა ბახტაძემ.