„დირსის“ საცხოვრებელ სახლში დევნილების შეჭრას საქართველოს ჯანდაცვის მინისტრი დავით სერგეენკო გამოეხმაურა. სერგეენკოს თქმით, შენობაში ძალისმიერი შეჭრა გამოსავალი არ არის და შესაბამისად, ის შედეგს ვერ მოიტანს.
„შენობაში ძალისმიერი შეჭრა მართლა არ არის გამოსავალი, ეს არ არის ის გზა, რომლის მიხედვითაც ადამიანები საცხოვრებლით დაკმაყოფილდებიან. ერთადერთი გზა არის ის რიგითობა, რომლის დაცვის ვალდებულებაც ჩვენ გვაქვს. სხვანაირად, ერთ ჯერზე ორი მილიარდი დოლარი, უბრალოდ, არ გვაქვს ამისთვის.
რიგითობა უნდა იყოს შეთანხმებული დევნილთა საზოგადოებასთან, გამჭირვალე და აღქმადი მათი ჩართულობით.
ახლა კონკრეტული პრობლემა არის ის, რომ დევნილების ნაწილს, რომელშიც სოციალური საჭიროებები არის ჩადებული, არ აკმაყოფილებს ეს მეთოდოლოგია. რამდენჯერმე შევხდით მათ და ერთობლივად ვამუშავებთ ამ საკითხს. ძალადობრივ გზას გამოსავალი და შედეგი არ ექნება“,- განაცხადა სერგეენკომ..