"ივანიშვილს უნდა ბანკი და მიიღო შავი მეტკა რუსებისგან, რომ ლაზიკა არ უნდა აშენდეს," – ასე განმარტავს მიხეილ სააკაშვილი მამუკა ხაზარაძისა და ანაკლიის პორტის ირგვლივ განვითარებულ მოვლენებს.
მიხეილ სააკაშვილის განცხადებით, ბიძინა ივანიშვილის გაგებით, საქართველო მისი საკუთრებაა და მას ეკუთვნის ტყეების დიდი ნაწილი, ჰესები, ბანკები.
საქართველოს მესამე პრეზიდენტი აცხადებს, რომ ლაზიკა უნიკალური პროექტია და იძლევა საშუალებას, რომ ხალხს გაუჩნდეს ძალიან დიდი შემოსავალი.
„ლაზიკა არის საქართველოს განვითარების ყველაზე სწრაფი საშუალება. ეს ნიშნავს თითოეული ოჯახის ოთხჯერ სწრაფად გამდიდრებას. ეს არის ინფრასტრუქტურულ პროექტი, ეს არის ქალაქი. ეს იქნება ნახევარმილიონიანი ქალაქი. ბათუმის პორტი გადადის ფოთში. ბათუმი ხდება საკრუიზო პორტი, რაც არის 700 მილიონი შემოსავალი ყოველწლიურად ბათუმისთვის. ივანიშვილმა გადატრიალება მოგვიწყო რუსებთან ერთად. ახლა, ლამის, რუსებს იქით ვეხვეწოთ, გავუხსნათ რკინიგზა. როგორც კი ლაზიკა გაიხსნება, რკინიგზის თემა საერთოდ აღარ არის. ჩვენ კი არ მივებმებით აფხაზეთს, აფხაზეთი მოებმება დანარჩენ საქართველოს,“ – განაცხადა მიხეილ სააკაშვილმა.