თბილისში, გლდანის მე-6 მიკრო რაიონში ქალს თავს სამი პირი დაესხა. თავდაპირველად ისინი საცხოვრებელ ბინაში შეიჭრნენ. შეჭრიდან, რამდენიმე წუთში სახლში ქალბატონი მივიდა, რომელიც დაკეტილ ბინას მეთვალყურეობდა. ნიღბიანები მას ფიზიკურად გაუსწორდნენ, შეკრეს, სახლიდან სხვადასხვა ნივთები წაიღეს და მიიმალნენ.
უკვე გამოიკითხნენ მეზობლები და დაზარალებული, რომლის დროებით საავადმყოფოში გადაყვანაც გახდა საჭირო.
"დაიჭირეს, შეათრიეს შიგნით, გახეთქეს ცემაში, დააბეს ფულს თხოვდნენ… სამნი იყვნენ, ნაცემი იყო ტუჩი გახეთქილი ჰქონდა, ტანზეც სილურჯეები. ამბობს რომ შინაურები არიან ალბათო, მაგრამ თავზე "მასკები" ჰქონდათ, ვერაფერი ვერ დაინახა,"-აცხადებს ადგილობრივი მცხოვრები, მურმან ფერაძე.
შსს-ში აცხადებენ, რომ გამოძიება სისხლის სამართლის კოდექსის 178-ე მუხლით მიმდინარეობს. ტარდება აქტიური საგამოძიებო მოქმედებები.