ბაჩანა შენგელია დღეს გენერალურ პროკურორს სარჩელით მიმართავს. ზუგდიდის მე-6 საჯარო სკოლის გარდაცვლილი დირექტორის შვილი ითხოვს უკანონოდ იყოს მიჩნეული პროკურატურის უარი დაზარალებულის უფლებამონაცვლედ ცნობაზე. შენგელია ითხოვს შალვა თადუმაძემ საქმე პირადად განიხილოს. უარის მთავარ არგუმენტად პროკურატურამ ის მასალები დაასახელა, რომელიც ამ დრომდე სამხარაულში ექსპერტიზაზეა. ია კერზაია გასული წლის დეკემბერში გარდაიცვალა.
"ეს ემსახურება მხოლოდ და მხოლოდ ერთ რაღაცას – თუ მომცემენ ამ სტატუსს შესაბამისად მე მექნება წვდომა საქმის მასალებზე, მე ვიქნები მხარე ამ საქმეში და მე მექნება უფლება რომ ვაწარმოო პროცესუალური მოქმედებები, რაც ბუნებრივია მათ არ აწყობთ, ვინაიდან უკვე სააშკარაოზე გამოვა მათი უმოქმედობა, რაც ამდენი ხანია გრძელდება. მე ვფიქრობ, რომ ეს უარი განპირობებულია მხოლოდ და მხოლოდ საქმის გამოძიებისთვის ხელის შეშლით,"-აცხადებს ბაჩანა შენგელია.
მისი შვილი დედის გარდაცვალებას პოლიტიკურ ზეწოლას უკავშირებს.