თენგიზ ჯგუშია თბილისში ზუგდიდელი ამომრჩევლებისთვის უბნის გახსნის ინიციატივით ცესკოს მიმართავს [Video]

0
433
სამეგრელოს ხმის“ ლიდერი თენგიზ ჯგუშია თბილისში საარჩევნო უბნების გახსნას ითხოვს იმ ამომრჩევლებისთვის, რომლებიც ზუგდიდში არიან რეგისტრირებული, თუმცა ჩამოსვლას ვერ ახერხებენ. მისი თქმით, განცხადებით მიმართავს ზუგდიდის საოლქო საარჩევნო კომისიასა და ცესკოს თავმჯდომარეს, განიხილონ ეს ინიციატივა და გაითვალისწინონ მოქალაქეთა საჭიროებები.“არიან ადამიანები, რომლებიც თბილისში არიან წასულები სამუშაოდ, არიან სტუდენტები, რომლებიც ვერ ახერხებენ ჩამოსვლას, მათთვის იქ უბნების გახსნა არის აუცილებელი. ამით, კიდევ ერთი ნაბიჯი გადაიდგმება გაყალბების წინააღმდეგ, რადგან მთავრობა ამ ხალხს იყენებს სათავისოდ, ურეკავენ და ეუბნებიან, მარშუტკას გამოვყოფთ, ჩამოგიყვანთ და ა. შ.“- განაცხადა თენგიზ ჯგუშიამ. თავის მხრივ თენგიზ ჯგუშიას ინიციატივას გამოეხმაურა ზუგდიდის საოლქო საარჩევნო კომისიის თავმჯდომარე მირანდა მესხი. მისი თქმით, მოქმედი კანონმდებლობის მიხედვით, ამომრჩეველს ხმის კიცემის უფლება აქვს საცხოვრებელი ადგილის რეგისტრაციის მიხედვით. თუმცა მირანდა მესხმა ჟურნალისტებს განუცხადა, რომ განცხადებით შემოსვლის შემთხვევაში ცესკოსთან შუამდგომლობას დააყენებს.
 
 
 

წინა სტატიადღეიდან დაგროვებითი საპენსიო სქემის დატოვება ნებაყოფლობით ჩართულ პირებს შეეძლებათ
შემდეგი სტატია5 აპრილამდე საქართველოში ნალექიანი ამინდი შენარჩუდება
ტელეკომპანია ოდიშის საინფორმაციო სამსახური