უკრაინა დღეს პრეზიდენტს ირჩევს. საარჩევნო უბნები ქვეყნის მასშტაბით ადგილობრივი დროით 08:00 საათზე გაიხსნა. 30-მა მილიონმა ამომრჩეველმა პრეზიდენტი 39 კანდიდატს შორის უნდა აირჩიოს.
კანდიდატებს შორის არიან გავლენიანი პოლიტიკოსები და რადას მოქმედი და ყოფილი დეპუტატები, თუმცა მთავარი ბრძოლა 3 კანდიდატს – პეტრო პოროშენკოს, იულია ტიმოშენკოს და ვლადიმერ ზელენსკის შორის მიმდინარეობს.
სწორედ ამ სამ კანდიდატს უწინასწარმეტყველებენ ექსპერტები მეორე ტურში გასვლას. სოციოლოგიური კვლევების თანახმად, მათგან ყველაზე დიდი მხარდაჭერა კომიკოს მსახიობს და ტელეწამყვანს ვლადიმერ ზელენსკის აქვს.