მთავარისიახლეებისაზოგადოებაუამინდობა კიდევ რამდენიმე დღე გაგრძელდება

უამინდობა კიდევ რამდენიმე დღე გაგრძელდება

Published on

უამინდობა საქართველოში მომდევნო დღეებშიც შენარჩუნდება. დღეს საქართველოს ზოგიერთ რაიონში მოსალოდნელია მცირე ნალექი, მაღალ მთაში თოვლის სახით.
 
დასავლეთ საქართველოს დაბლობში ჰაერის ტემპერატურა +9, +14 გრადუსი, მთაში +6, +11, მაღალ მთაში კი, +4, +9 გრადუსი იქნება. აღმოსავლეთ საქართველოს ბარში +8, +13 გრადუსი, მთაში +7, +12 , მაღალ მთაში კი -2, +3 გრადუსის ფარგლებში იქნება. რაც შეეხება თბილისს, დედაქალაქში ჰაერი დღეს +11 გრადუსამდე გათბება.
 
რაც შეეხება მომდევნო დღეების პროგნოზს, ხვალ დასავლეთ საქართველოში უმეტესად უნალექო ამინდია მოსალოდნელი, იქროლებს აღმოსავლეთის ქარი 10-15 მეტრი/წამში. ძლიერი ქარი იქროლებს ზემო იმერეთსა და კოლხეთის დაბლობზე 20-25 მეტრი/წამში. დღის განმავლობაში ჰაერი შიდა რაიონებში +15, +20 გრადუსის ფარგლებში გათბება.
 
აღმოსავლეთ საქართველოში მოსალოდნელია მცირე თოვლჭყაპი და ნისლი, მაღალ მთაში ქარბუქი, იქროლებს აღმოსავლეთის ქარი 10-15 მ/წამში, გორი – სურამის მონაკვეთზე ძლიერი ქარია მოსალოდნელი. ჰაერის ტემპერატურა +6, +11 გრადუსის ფარგლებში იქნება.
 
ხვალ თბილისში უმეტესად ღრუბლიანი ამინდი შენარჩუნდება, დროგამოშვებით მცირე ნალექი და ნისლია მოსალოდნელი. ჰაერის მაქსიმალური ტემპერატურა +7 გრადუსს მიაღწევს.
 
სინოპტიკოსების პროგნოზით, უამინდობა საქართველოში მომდევნო დღეებშიც შენარჩუნდება. 3 აპრილიდან კი, შედარებით გამოიდარებს.

სიახლეები

რუსთაველი გადაიკეტა, თბილისსა და სხვა ქალაქებში საპროტესტო მსვლელობებია

თბილისსა და საქართველოს სხვა ქალაქებში საპროტესტო მსვლელობები ტარდება ირაკლი კობახიძის მხრიდან გაკეთებული მავნებლური განცხადებიდან...

ვოლოდიმირ ზელენსკის ბრძანებით, ანდრეი ერმაკი თანამდებობიდან გათავისუფლებულია

უკრაინის პრეზიდენტის ადმინისტრაციის უფროსის თანამდებობა ვაკანტურია - ვოლოდიმირ ზელენსკიმ ბრძანება გამოსცა ანდრეი ერმაკის თანამდებობიდან...

სტენერგარდი-შვედეთი თავისუფალი და დემოკრატიული საქართველოს მხარდაჭერას კვლავ განაგრძობს

უკანასკნელი ერთი წლის განმავლობაში მამაცი ქართველები ყოველდღიურად თავიანთი გამოხატვის თავისუფლების უფლებით სარგებლობენ და მშვიდობიან...

ევროპის 17 ქვეყანაში დღეს ქართველი ემიგრანტების აქციები გაიმართება

ბერლინი, პარიზი, ლონდონი, ჟენევა, რომი, ვენა, სტოკჰოლმი - ევროპის 17 ქვეყანაში დღეს ქართველი ემიგრანტების...