ხობის მუნიციპალიტეტის სოფელ ძველ ხიბულაში ყოფილი პრემიერ-მინისტრი ბიძინა ივანიშვილი ჩავიდა. როგორც სოფლის რწმუნებულმა განაცხადა, ის იმყოფებოდა იმ სახლში, სადაც საქართველოს პირველი პრეზიდენტი ზვიად გამსახურდია გარდაიცვალა.
„ზუსტად 10-15 წუთი იმყოფებოდა ბატონი ბიძინა,გაესაუბრა მუშებს,რომლებიც უკვე ორი დღეა იმ სახლში სარეაბილიტაციო სამუშაოებს ახორციელებენ. ბიძინა დაგვპირდა ასევე,რომ უახლოეს პერიოდში მოხდება სოფლის გაზიფიცირება, წყალმომარაგება, გზის რეაბილიტაცია, ეკლესიის აშენება“,- დანაცხადა სოფლის რწმუნებულმა გოგი გოგინავამ. ივანიშვილის ხიბულაში ყოფნის შესახებ ინფორმაცია სოციალური ქსელის მომხმარებელმა გაავრცელა.