სოფლის მეურნეობის სამეცნიერო-კვლევითმა ცენტრმა მეგრული ჯიშის თხების შესაძენად სახელმწიფო შესყიდვების სააგენტოს ვებგვერდზე ტენდერი გამოაცხადა.ტენდერი 25 მარტს გამოცხადდა და განაცხადები 31 მარტიდან 2 აპრილამდე მიიღება.ელექტრონული ტენდერის ფარგლებში გამარჯვებულმა ორგანიზაციამ უნდა უზრუნველყოს ცენტრისთვის შემდეგი დასახელებისა და რაოდენობის თხების მიწოდება:
''მეგრული ჯიშის თხა – ნეზვი; შესასყიდ თხებს მოეთხოვებათ: კარგი განვითარება, ჯანმრთელობა, მეგრული ჯიშისათვის დამახასიათებელი ტიპიურობა და ჯიშის ნიშნების გამოხატვა; მაგარი კონსტიტუცია, მკვირცხლი ტემპერამენტი, კარგი ექსტერიერი მაგარი ძვალეულით",- აღნიშნულია სატენდერო განაცხადში.
თხები ჩხოროწყუს მუნიციპალიტეტის სოფელ ნაკიანში, სანაშენე ფერმისთვის უნდა შეიძინონ, სადაც სამინისტროს ინფორმაციიტ, მათი გამრავლება და შემდეგ, გავრცელება მოხდება.
