ეკონომიკის მინისტრის საცხოვრებელი სახლის გაქურდვის ფაქტზე სამართალდამცველებმა ერთი პირი დააკავეს.
შს სამინისტროს ინფორმაციით, 1990 წელს დაბადებულმა მამაკაცმა დაბა წყნეთში მდებარე გიორგი ქობულიას სახლიდან სხვადასხვა ნივთები მოიპარა.
„კურიერისთვის“ გიორგი ქობულიას სახლის გაქურდვის შესახებ ინფორმაცია გუშინ გახდა ცნობილი, თუმცა შს სამინისტრომ „რუსთავი 2“ მინისტრის სახლის გაქურდვის ფაქტი არ დაუდასტურა. თავად მინისტრმა კი განაცხადა, რომ „კურიერის“ კითხვებს ვერ უპასუხებდა, რადგან მის სახლთან დაკავშირებული ინფორმაცია მის პირად ცხოვრებას წარმოადგენს.
როგორც შს სამინისტროს დღევანდელ განცხადებაშია ნათქვამი, გამოძიება ქურდობის ფაქტზე, საქართველოს სისხლის სამართლის კოდექსის 177-ე მუხლის მე-2 ნაწილის „ა“ და მე-3 ნაწილის „გ“ ქვეპუნქტით მიმდინარეობს.