აქციის მესამე დღე – მთავრობის ადმინისტრაციასთან სოცმუშაკების პროტესტი გრძელდება. ისინი ხელფასების მატებას, გაუსაძლისი შრომითი პირობების გაუმჯობესებასა და სოციალური პოლიტიკის გადახედვას ითხოვენ. აქცია ბოლო დღეების მსგავსად, თბილისის გარდა გრძელდება საქართველოს სხვა ქალაქებშიც. სოციალურ მუშაკებს სოლიდარობას უცხადებენ არასამთავრობო ორგანიზაციები. პარალელურად, ათასობით მოქალაქე, რომელიც ოჯახური ან სხვა სახის ძალადობის მსხვერპლია და რომელსაც სასწრაფოდ სჭირდება დაცვა, სათანადო ყურადღებისა და დახმარების გარეშეა დარჩენილი. ჯანდაცვის სამინისტრო კი კომპრომისზე არ მიდის და ამბობს, რომ გაფიცულ სოციალურ მუშაკებს დროებით სხვა თანამშრომლებით ჩაანაცვლებენ.