მასწავლებლის გლობალური ჯილდოს ქართველი ფინალისტის, ლადო აფხაზავასთვის მილიონი ლარის შესაგროვებლად სოციალურ ქსელში კამპანია დაიწყო. ჩიბათელი პედაგოგის დასახმარებლად განცხადებას მეწარმე ანა მიქაძე-ჩიკვაიძე Facebook-ის პირად გვერდზე აქვეყნებს.
"ლადო აფხაზავას კი არა მეგობრებო (ცხადია, ლადოსაც) კი არ სჭირდება დახმარება – ჩვენ გვჭირდება, იმისთვის რომ იმაზე უკეთესები ვიყოთ ვიდრე ვართ.. ხო გეხვეწებით, გეაჯებით, გემუდარებით, ბევრი კარგი მასწავლებელი რომ არის და ღირსეული ხელფასები არა აქვთ, ამას ნუ შემახსენებთ. 1 ლარი ვის დაგაქცევთ აბა მითხარით ვის", – წერს ანა მიქაძე-ჩიკვაიძე.
ლადო აფხაზავა "მასწავლებლის გლობალური ჯილდოს" ათ ფინალისტს შორის მოხვდა. კონკურსში კენიელმა პედაგოგმა პიტერ ტაბიჩიმ გაიმარჯვა, რომელსაც საჩუქრად 1 მილიონი დოლარი გადაეცა.