გაერთიანებული ოპოზიცია ზუგდიდის მერობის კანდიდატს 2 აპრილს წარადგენს

გავრცელებულ ინფორმაციას იმის შესახებ, რომ გაერთიანებული ოპოზიციის მერობის კანდიდატი ზუგდიდში შეიცვლება, პარტიაში არ ადასტურებენ. პარტიის აღმასრულებელმა მდივანმა და პოლიტიკური საბჭოს წევრმა კობა ნაყოფიამ "ოდიშინიუსს" განუცხადა, რომ არაფერი არ შეცვლილა და საკუთარ კანდიდატს ოპოზიცია 2 აპრილს წარადგენს : " არაფერი არ შეცვლილა, რატომ ვიჩქაროთ? 2- აპრილს წარვადგენთ კანდიდატს. შტაბების დაკომლექტებაზე მიმდინარეობს კონსულტაციები. "- განაცხადა ნაყოფიამ. კითხვაზე, განიხილებოდა თუ არა ზუგდიდის მერობის კანდიდატად ზუგდიდის მე-6 საჯარო სკოლის გარდაცვლილი დირექტორის ია კერზაიას შვილი ბაჩანა შენგელია, კობა ნაყოფიამ განაცხადა, რომ ეს სიმართლეს არ შეესაბამება: " მე ძალიან დიდ პატივს ვცემ ბაჩანა შენგელიას, მაგრამ ეს სიმართლეს არ შეესაბამება, მის კანდიდატურაზე მსჯელობა არ ყოფილა, "- განაცხადა ნაყოფიამ. გავრცელებული ინფორმაცია უარყო თავად ბაჩანა შენგელიამ: "არანაირი მოლაპარაკება აღნიშნულ საკითხზე არ ყოფილა, პარტიის წევრი არ ვარ… რაზე საუბრობენ პარტიაში არ ვიცი და არც მიმაჩნია სწორად ჩემი მონაწილეობა არჩევნებში"- განაცხადა ბაჩანა შენგელიამ. ბოლო პერიოდში მედიაში გავრცელდა ინფორმაცია, რომ გაერთიანებული ოპოზიციის კანდიდატი სანდრა რულოვსი შეიცვლებოდა და პარტია სხვა კანდიდატს დაასახელებდა, რასაც პარტიაში არ ადასტურებენ.

გაერთიანებული ოპოზიცია ზუგდიდის მერობის კანდიდატს 2 აპრილს წარადგენს

სიახლეები

ეუთო-ს საპარლამენტო ასამბლეის კომიტეტმა საქართველოს შესახებ რეზოლუციის პროექტს მხარი დაუჭირა

შსს-გამოვავლინეთ ნარკოდამნაშავეთა ორგანიზებული ჯგუფი – დაკავებულია 4 პირი

ბელგოროდში მაგისტრალური გაზსადენების სამმართველო იწვის

კვების ობიექტებში პლასტმასის კონტეინერებისა და ჭიქების აკრძალვა 2027 წლამდე გადავადდა