მთავარისიახლეებისაზოგადოებაია კერზაიას საქმეზე „სამართლიანი არჩევნები“ დასკვნას აქვეყნებს

ია კერზაიას საქმეზე „სამართლიანი არჩევნები“ დასკვნას აქვეყნებს

Published on

ზუგდიდის მე-6 საჯარო სკოლაში განათლების სამინისტროს მიერ  განხორციელებული ინსპექტირება, რომელსაც სკოლის დირექტორის გარდაცვალება მოჰყვა – არასამთავრობო ორგანიზაცია „სამართლიანი არჩევნები“ დასკვნას აქვეყნებს. არასამთავრობო ორგანიზაციის წარმომადგენლები გამოკვლევისა და ფაქტების შესწავლის შემდეგ ასკვნიან, რომ ადგილი ჰქონდა შესაძლო პოლიტიკურ ანგარიშსწორებას და სადამსჯელო ღონისძიებებს.
 
ორგანიზაცია ია კერზაიას საქმეზე ანგარიშს, რომელიც განათლების სამინისტროდან გამოთხოვილი შესაბამისი დოკუმენტაციის საფუძველზე მომზადდა, დღეს წარადგენს.  
 
„სამართლიანი არჩევნების“ წარმომადგენლები პირადად ესაუბრნენ სკოლის თანამშრომლებსაც.
 
არასამთავრობო ორგანიზაციის წარმომადგენლები აცხადებენ, რომ სკოლებში ინსპექტირება 2018 წელს 7-დან 6 შემთხვევაში საპრეზიდენტო არჩევნების პირველ და მეორე ტურებს შორის განხორციელდა. მათვე შეფასებით, პასუხისგებაში უნდა მიეცეს ყველა ის პირები, რომლიც ამ სადამსჯელო კამპანიაში იყო ჩართული.
 
უფლებადამცველები საქმის ირგვლივ არსებულ კითხვებზე პასუხს, განათლების სამინისტროსგანაც ელოდებიან.  
 
„ინსპექტირება აჩენს შთაბეჭდილებას, რომ ამ პროცესში ნამდვილად იკვეთებოდა პოლიტიკური ანგარიშსწორების ნიშნები და ეს ინსპექტირება, ისევე, როგორც სხვა ინსპექტირებები, რომელიც განხორციელდა გასულ წელს, შესაძლოა ყოფილიყო, როგორც სადამსჯელო ღონისძიება, სადამსჯელო ინსტრუმენტი გამოყენებული. უნდა დადგეს იმ პირების პასუხისმგებლობის საკითხი, რომლებიც შესაძლოა ზეწოლა-მუქარაში იყო ჩართული,“-განაცხადა მიხეილ ბენიძემ.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...