მთავარისიახლეებისაზოგადოებადეკანოზი გიორგი მამალაძე პენიტენციური დაწესებულების საკვების მიღებაზე უარს ამბობს

დეკანოზი გიორგი მამალაძე პენიტენციური დაწესებულების საკვების მიღებაზე უარს ამბობს

Published on

დეკანოზი გიორგი მამალაძე დღეიდან პენიტენციური დაწესებულების საკვების მიღებაზე უარს ამბობს, რადგან მას სამარხვო საკვებით ვერ უზრუნველყოფენ. ამის გამო, მსჯავრდებული დეკანოზი იძულებულია თავად იყიდოს საკვები.
 
ინფორმაციას მისი ადვოკატი ავრცელებს, რომელიც დღეს სასჯელაღსრულების დაწესებულებაში დეკანოზთან იმყოფებოდა.
 
დავით ჯანდიერის ინფორმაციით, მსჯავრდებული სასულიერო პირის მონახულებას უახლოეს პერიოდში აპირებენ სახალხო დამცველის წარმომადგენლებიც. 
 
„დღეს მან უარი განაცხადა პენიტენციური დაწესებულების მიერ მიწოდებული საკვების მიღებაზე და ამის მიზეზი არის ის უყურადღებობა, რომელსაც ის განიცდის. რამდენიმე დღის წინ, მას ჰქონდა ჯანმრთელობასთან დაკავშირებული სხვა პრობლემებიც, თუმცა ყურადღება სათანადო არ იქნა მის მიმართ აღმოჩენილი,“ – განაცხადა ადვოკატმა.
 
განცხადება გააკეთა დეკანოზ გიორგი მამალაძის ძმამაც. ოჯახი დეკანოზის სამოქალაქო კლინიკაში გადაყვანას ითხოვს.
 
„თავდაპირველად, პირობა მოგვცეს, რომ გადაიყვანდნენ მე-18 დაწესებულებაში და მიეცემოდა მას სათანადო მკურნალობა მისი ჯანმრთელობიდან გამომდინარე. მაგრამ სამწუხაროდ, დღეს ვხედავთ, რომ ელემენტარული ყურადღებაც არ ექცევა. ამასთან დაკავშირებით, სახალხო დამცველმაც დადო დასკვნა და იმედია, ჩვენ ამას ვითხოვთ, რომ გაითვალისწინებენ  და მოხდება ჩემი ძმის გადაყვანა შესაბამის დაწესებულებაში, სადაც ელემენტარულად, უკვე მის სიცოცხლეს საფრთხე არ შეექმნება,“ – განაცხადა თორნიკე მამალაძემ.

სიახლეები

ირანი კიდევ ორი გენერლის დაღუპვას ადასტურებს

ისრაელის სარაკეტო იერიშებს ირანის შეიარაღებული ძალების გენერალური შტაბის დაზვერვის უფროსის მოადგილე, გენერალი გოლამრეზა მეჰრაბი...

ისრაელსა და ირანს შორის კონფლიქტის გამო, დღეს საქართველოს აეროპორტებიდან 19 ავიარეისი გაუქმდა

ისრაელსა და ირანს შორის კონფლიქტის გამო 14 ივნისს საქართველოს აეროპორტებიდან 19 ავიარეისი გაუქმდა -...

აქტივისტი პლაკატით „ანწუხელიძე უკვდავია“ 5000 ლარით დააჯარიმეს

სამოქალაქო აქტივისტი თამარ კურატიშვილი მოსამართლე ლელა ცაგარეიშვილმა ხუთი ათასი ლარით დააჯარიმა. მას 28 მარტს...

ნეთანიაჰუს მიმართვა ირანელ ხალხს-ისრაელი თქვენ არ გებრძვით, ჩვენს საერთო მტერს ვებრძვით

ისრაელის პრემიერმინისტრმა, ბენიამინ ნეთანიაჰუმ ირანში ისრაელის იერიშებთან და ოპერაცია "აღმავალ ლომთან" დაკავშირებით ირანელ ხალხს...