ზუგდიდის ყოფილი მერის მეუღლე ოჯახის უსაფრთხოების დაცვას ითხოვს

0
386
ზუგდიდის ყოფილი მერის ლაშა გოგიას მეუღლე ოჯახის უსაფრთხოების მიზნით დაცვას ითხოვს. ამის შესახებ ნანა თოდუამ ფეისბუკის გვერდზე მიმართვა გამოაქვეყნა."მას შემდეგ რაც ლაშამ გადაწყვიტა ბრძოლა სიმართლის დასამტკიცებლად, გაჩნდა საშიშროება ჩვენს ოჯახზე და ახლობლებზე მორალური ზეწოლისა და ფიზიკური ძალადობის!
მივმართავ ედიშერ თოლორაიას და ოგნევ/კვირკვიას შეწყვიტეთ პროვოკაციები ჩვენი ოჯახის მისამართით!!!
ჯერ კიდევ მაქვს სასამართლოს სამართლიანობის იმედი, რომ დამტკიცდება ლაშას უდანაშაულობა!"- წერს ლაშა გოგიას მეუღლე ნანა თოდუა და ამბობს, რომ მისი მეუღლისგან ანდერძისმაგვარი წერილი მიიღო, რაც იმას ნიშნავს, რომ მისი ოჯახის უსაფრთხოება მისი თქმით, საფრთხეშია. ყოფილი მერის მეუღლე "ქართული ოცნების" მაჟორიტარ დეპუტატს ედიშერ თოლორაიას და ბიზნესმენ კვირკვიას მათი ოჯახის მიმართ პროვოკაჩიაში დებს ბრალს.
განსაკუთრებით დიდი ოდენობის ქრთამის აღების ბრალდებით დაკავებული ზუგდიდის ყოფილი მერი ლაშა გოგია და ვიცე-მერი გია გულორდავა სასამართლომ პატიმრობაში დატოვა. პატიმრობაში რჩებიან ამ საქმესთან დაკავშირებით დაკავებული ზუგდიდის მუნიციპალიტეტის ეკონომიკის სამსახურის უფროსი თენგიზ ქობალია, რომელსაც დანაშაულის შეუტყობინებლობა აქვს ბრალად წაყენებული 
წინა სტატია„ანაკლიის განვითარების კონსორციუმი“ მაია ცქიტიშვილს მცდარი და დამახინჯებული განცხადებების გაკეთებაში ადანაშაულებს
შემდეგი სტატიასამეგრელო-ზემო სვანეთის პოლიციამ განსაკუთრებით დიდი ოდენობით “სუბოქსინი” ამოიღო
ტელეკომპანია ოდიშის საინფორმაციო სამსახური