ზუგდიდის მერის რიგგარეშე არჩევნებზე გაერთიანებული ოპოზიციიდან კენჭს სანდრა რულოვსი იყრის

0
355
სანდრა რულოვსი გაერთიანებული ოპოზიციის კანდიდატი იქნება.განცხადება საგანგებო ბრიფინგზე, გრიგოლ ვაშაძემ გააკეთა. 
 
მან საზოგადოებას შეახსენა საპარლამენტო არჩევნების დროს განვითარებული მოვლენები და თქვა, რომ 2016 წლის საპარლამენტო არჩევნებზე სანდრა რულოვსმა, რომელიც კენჭს ზუგდიდში იყრიდა, არჩევნები მოიგო, თუმცა მასშტაბური გაყალბების გამო, მან უარი თქვა პარლამენტში შესვლაზე. 
 
გრიგოლ ვაშაძე წინასაარჩევნოდ ზუგდიდში პროცოკაციებს არ გამორიხავს. 
 
„ერთი გადაწყვეტილება მივიღეთ საკმაოდ სწრაფად – ეს არის გადაწყვეტილება იმის შესახებ, რომ ზუგდიდში გაერთიანებული ოპოზიციის კანდიდატი იქნება ქალბატონი სანდრა ელისაბედ რულოვსი. გაერთიანებული ოპოზიციისა და ქალბატონი სანდრას სურვილები ერთმანეთს დაემთხვა იმიტომ, რომ თვიდანვე ქალბატონ სანდრას უნდოდა, გაერთიანებული ოპოზიციის მანდატით ყოფილიყო წარდგენილი ზუგდიდში, როგორც კანდიდატი. მინდა გაგახსენოთ, რომ ქალბატონმა სანდრამ ზუგდიდში არჩევნები მოიგო და ისე იყო ეს არჩევნები გაყალბებული, რომ ან უარი განაცხადა პარლამენტში სიით შესვლაზე,“ – განაცხადა გრიგოლ ვაშაძემ.
წინა სტატიახელისუფლება ვერ აუდის კრიმინალთან ბრძოლას, იმიტომ, რომ თვითონ არის კრიმინალის წამახალისებელი- რომან გოცირიძე
შემდეგი სტატიაგანათლების მინისტრის მოსმენა პარლამენტში თითქმის ცარიელ დარბაზში მიმდინარეობს
ტელეკომპანია ოდიშის საინფორმაციო სამსახური