წალენჯიხის მუნიციპალიტეტის სოფელ ფახულანში ხანძარს მამაკაცის სიცოცხლე ემსხვერპლა. ორსართულიან კაპიტალურ სახლში ხანძარი მეზობლებმა შენიშნეს და სახანძრო-სამაშველო სამსახური გამოიძახეს, თუმცა 75 წლის ი.შონიას გადარჩენა ვერ მოხერხდა. „11-ის 15 წუთზე შემოვიდა შეტყობინება ჩვენთან, გავიდა ჯგუფი, თუმცა უკვე დამწვარი იყო სახლი. 132 კვ, მეტრია, მეორე დსართულზე იწვა თურმე მოხუცი, 75 წლის ლოგინად ჩავარდნილი, მაგრამ ჩვენი ჯგუფი რომ მივიდა, უკვე დამწვარი იყო ყველაფერი“- განუცხადა „ოდიშინიუსს“ საგანგებო სიტუაციების მართვის სამსახურის სამეგრელო-ზემო სვანეთის სამმართველოს უფროსმა გოჩა მურღულიამ.