იქნება თუ არა სანდრა რულოვსი მერობის კანდიდატი ზუგდიდში?

0
346

„ერთიანი ნაციონალური მოძრაობის“ სათაო ოფისში სანდრა ელისაბედ რულოვსის კანდიდატურაზე კომენტარს აკეთებენ. პარტიის რეგიონული სამსახურის უფროსმა გიორგი ბოტკოველმა „ოდიშინიუსს“ განუცხადა, რომ რამდენიმე კანდიდატურა განიხილება, თუმცა საბოლოოდ ჯერ გადაწყვეტილება მიღებული არ არის, თუ ვის წარადგენს პარტია ზუგდიდში მერობის კანდიდატად. „ჯერ არ არის გადაწყვეტილი, გუშინ შევიკრიბეთ პოლიტსაბჭოზე და განვიხილეთ რამდენიმე კანდიდატურა. შეხვედრას ესწრებოდა სანდრა რულოვსიც, ამიტომ ჟურნალისტებს გაუჩნდათ ეჭვი. პარტია საბოლოოდ შეჯერდება და რამდენიმე დღეში მიიღებს გადაწყვეტილებას“- განაცხადა გიორგი ბოტკოველმა. ზუგდიდში მერის რიგგარეშე არჩევნები მაისში გაიმართება. პარტიაში აცხადებენ, რომ მერობის კანდიდატებს შორის განსახილველ სიაში ნიკანორ მელია და მურთაზ ზოდელავაც არიან. რაც შეეხება სანდრა რულოვსს, ის 2016 წლის საპარლამენტო არჩევნებში იღებდა მონაწილეობას. მან პირველი ტურის მერე არჩევნებში მონაწილეობაზე უარი განაცხადა იმ მიზეზით, რომ ფაქტიურად არჩევნები მოიგო, თუმცა „მოპარეს“. ჯერჯერობით მერობის კანდიდატი არც „ქართულ ოცნებას“ ყავს შერჩეული. მმართველ გუნდში აცხადებენ, რომ მსჯელობა რამდენიმე კანდიდატზე მიდის. 

წინა სტატიაკომპანიას, რომელსაც ივანიშვილის ხეები გადააქვს ენმ კორუფციაში ადანაშაულებს
შემდეგი სტატიასილამაზის კონკურსი ზუგდიდში (video)
ტელეკომპანია ოდიშის საინფორმაციო სამსახური