ოათარ კახიძე და ირაკლი ბერაია ,,შეიბნენ” – ვინ ვის უპასუხა და როგორ პარლამენტში

0
398
 
,,მისთვის კორექტულობისკენ მოწოდება თუ შეგინებას ნიშნავს, ჩათვალოს, რომ შეგინებულია,“ – ეს განცხადება, საპარლამენტო უმრავლესობის წევრმა, ირაკლი ბერაიამ ოთარ კახიძესთან დაპირისპირების შემდეგ გააკეთა.
 
ბერაიამ იურიდიულ საკითხთა კომიტეტის სხდომაზე მომხდარი ჩხუბის მიზეზები განმარტა და თქვა, რომ კახიძეს კომიტეტიდან გასვლა უნდოდა და სწორედ ამის გამო მოიფიქრა „კრეატიული საშუალება“. 
 
დეპუტატი ირწმუნება, რომ მას კახიძისთვის შეურაცხყოფა არ მიუყენებია და მხოლოდ კორექტულობისკენ მოუწოდა. 
 
"დამრჩა განცდა, რომ ოთო კახიძეს უნდოდა კომიტეტიდან წასვლა და ასეთი კრეატიული საშუალება მოიფიქრა. მე ვსაუბრობდი, მინდოდა შეკითხვის დასმა, რისი საშუალებაც მან არ მომცა. მივუთითე კორექტულობისკენ, რამაც ინციდენტი გამოიწვია. მისთვის კორექტულობისკენ მოწოდება თუ შეგინებას ნიშნავს, ჩათვალოს, რომ შეგინებულია," – განაცხადა ირაკლი ბერაიამ.
 
 პარლამენტში მომხდარი ჩხუბის შემდგომ განცხადება დეპუტატმა ოთარ კახიძემაც გააკეთა.
 
,,.ჩემი ქმედება არ შეესაბამებოდა პარლამენტის ეთიკას და საზოგადოებას ბოდიშს ვუხდი, უბრალოდ ზოგჯერ თავის შეკავება არც ისე ადვილია, –  დეპუტატის განცხადებით, მან კომიტეტის თავმჯდომარეს რეგლამენტის დარღვევასთან დაკავშირებით მიმართა, რასაც ირაკლი ბერაიას მხრიდან შეურაცხმყოფელი რეპლიკა მოჰყვა.
 
"შენიშვნა გამოვთქვი რეგლამენტის პროცედურის დარღვევაზე, რის შემდეგაც ჩემმა კოლეგამ ირაკლი ბერაიამ თავს უფლება მისცა და არაკორექტულად მომმართა, რასაც გავეცი პასუხი. ჩემი ქმედება არ შეესაბამებოდა პარლამენტის ეთიკას და საზოგადოებას ბოდიშს ვუხდი, უბრალოდ, ზოგჯერ თავის შეკავება არც ისე ადვილია. ინციდენტი მე არ წამომიწყია, მე უბრალოდ პასუხი გავეცი მის ქმედებას", – განაცხადა კახიძემ
 
შეგახსენეთ, დღეს უზენაესი სასამართლოს მოსამართლეების შერჩევის წესისა და კრიტერიუმების შესახებ კანონპროექტის განხილვისას დაწყებული კამათი, ხელჩართულ ჩხუბში გადაიზარდა.
 
დაპირისპირება მას შემდეგ დაიწყო, რაც ოთარ კახიძემ კომიტეტის თავმჯდომარესა და მის მოადგილეს მოუწოდა, არ მიეცათ ირაკლი ბერაიასთვის კახა კუკავას განცხადებაზე გამოხმაურების საშუალება. კახიძემ განმარტა, რომ რეგლამენტი მხოლოდ კითხვების დასმას ითვალისწინებდა და არა გამოხმაურებას.
წინა სტატია“მილიონი ხელმოწერა ” პროპორციული არჩევნებისთვის – სასტუმრო “რედისონში” ოპოზიციური პოლიტიკური გაერთიანებისა და არასამთავრობო ორგანიზაციების შეხვედრა მიმდინარეობს
შემდეგი სტატიაშამგონას ქორეოგრაფიული ანსამბლი “როკვა” საერთაშორისო კონკურს-ფესტივალის გამარჯვებული გახდა
ტელეკომპანია ოდიშის საინფორმაციო სამსახური