გრიგოლ ვაშაძე: ყველა ის ცვლილება, რაც ნაციონალური მოძრაობის ფორმირებაში ხორციელდება, ჩვენი ლიდრის მიხეილ სააკაშვილის ინიციატივით ხდება

0
399
პარტიას სჭირდება გაცილებით უფრო ეფექტური მართვის სისტემა და ეს პარტიის ლიდერმა შეიგრძნო ყველაზე სწრაფად, – ამის შესახებ პარტია ,,ნაციონალური მოძრაობის” ლიდერმა გრიგოლ ვაშაძემ არასამთავრობო ორგანიზაციებთან შეხვედრამდე განაცხადა, რითაც მიხეილ სააკაშვილის განცხადებას გამოეხმაურა.
 
„ჩემი არჩევა მოხდება თუ არა თავჯდომარედ, ამას ყრილობა იტყვის. რაც შეეხება ჩვენი ლიდერის განცხადებას, ნდობისთვის დიდი მადლობა. რაღაცები მომესმა, მიხეილ სააკაშვილი პარტიიდან მიდის და მსგავსი სისულელეები! მიხელ სააკაშვილი ამ პარტიის დამფუძნებელი და ლიდერია და ყველა ის ცვლილება, რაც ამ პარტიის ფორმირებაში ხორციელდება, მისი ინიციატივით ხდება, იმიტომ რომ იმ მძიმე პოლიტიკურ პერიოდში, რომელშიც ჩვენ შევდივართ, პარტიას სჭირდება გაცილებით უფრო ეფექტური მართვის სისტემა და ეს პარტიის ლიდერმა შეიგრძნო ყველაზე სწრაფად” – განაცხადა გრიგოლ ვაშაძემ.
 
მე ვფიქრობ, გრიგოლ ვაშაძემ ძალიან მაგრად ჩაატარა საპრეზიდენტო კამპანია და მე პირადად, „ნაციონალური მოძრაობის“ თავმჯდომარის თანამდებობაზე მას დავუჭერდი მხარს , – ამის შესახებ საქართველოს ყოფილმა პრეზიდენტმა, მიხეილ სააკაშვილმა სოციალური ქსელში ვიდეომიმართვისას განაცხადა.
 
სააკაშვილის განცხადებით, საჭიროა, პარტიის შემადგენლობა შეიცვალოს.
წინა სტატია„ოლიგარქმა თავისი პანიკური შიშის გამო შექმნა ისეთი პოლიტიკური ველი, როდესაც ყოფილ პრეზიდენტს არ უშვებს ქვეყანაში“ – ხატია დეკანოსიძე
შემდეგი სტატიაგანცხადება ბრიუსელიდან: ირაკლი კვარაცხელიას დაღუპვა ოკუპირებული აფხაზეთის ტერიტორიაზე ზედმიწევნით, გამჭვირვალედ და სწრაფად უნდა იქნეს გამოძიებული
ტელეკომპანია ოდიშის საინფორმაციო სამსახური