სულგაყიდულებო, ნახევარი საქართველო ოკუპირებული აქვს რუსს და პროვოკატორია ქაცარავა, რომელიც დღე და ღამე საოკუპაციო ხაზთან დგას და მეციხოვნესავით იცავს საქართველოს სახელმწიფოებრივ ინტერესებს… – ასე ეხმაურება უზენაესი საბჭოს დეპუტატი რევაზ კემულარია ხელისუფლების მიერ ორკესტრირებულ კამპანიას ანტისაოკუპაციო მოძრაობის ,,ძალა ერთობაშია"' ლიდერისა და მისი თანამებრძოლების წინააღმდეგ გუშინდელი მღელვარე დღის შემდეგ
როცა 80-90 წლებში სამაჩაბლოს ვიცავდით, მაშინდელი სუკის აგიტატორები და აგენტები ჩვენ გვაბრალებდნენ კონფლიქტის პროვიცირებას, თავად კი არხეინად ერთობოდნენ სხვადასხვა ღონისძიებებში და მხოლოდ ეროვნული მოძრაობის კრიტიკით იყვნენ დაკავებულები.
ჩვენ გვაბრალებდნენ რუსეთის გაღიზიანებას და ხალხში ნერგავდნენ იმის განცდას, თუ დათვი მოგვერია ბაბაია უნდა ვუთხრათო… ჰოდა მოდიხართ ბაბაიათი და დაჩუტულ ბურთს დაემსგავსეთ…
რამ გამახსენა ახლა ის პერიოდი…
გუშინ ხურვალეთში მომხდარმა ოკუპანტების თავხედობამ… მაგრამ უფრო იმან, რომ დაესიენ ქაცარავას და პროვოკატორი უძახეს…'' წერს რევაზ კემულარია თავის ფეისბუქგვერდზე.