ახალგაზრდა, რომელიც გუშინ გომბორზე, შუამთის მონაკვეთზე მომხდარ საშინელ ავარიას ემსხვერპლა, "საქართველოს ბანკის" ყოფილი კრეატიული დირექტორი ნიკა გუჯეჯიანი აღმოჩნდა . შეჯახება მოხდა სატვირთო ავტომობილსა და "კიას" ფირმის "ჯიპს" შორის. ამ უკანასკნელს ნიკა გუჯეჯიანი მართავდა.
გარდაცვლილს სარეკლამო სფეროში კარგად იცნობდნენ. გუჯეჯიანი მუშაობდა გრაფიკული დიზაინის მიმართულებით ისეთ ცნობილ სარეკლამო კომპანიებში, როგორებიცაა – BBDO Berlin, Y&R Prague და JWT Metro.
შინაგან საქმეთა სამინისტროს ინფორმაციით, ფაქტზე გამოძიება სსკ-ის 276-ე მუხლის მეხუთე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.
