ოკუპირებული აფხაზეთის სოფელ პირველ ოტობაიადან გატაცებული ლევან ძაძუა გაათავისუფლეს

0
450
ოკუპირებული აფხაზეთის სოფელ პირველ ოტობაიადან გატაცებული საქართველოს მოქალაქე ლევან ძაძუა გაათავისუფლეს.
 
ლევან ძაძუა საკუთარ სახლში 14 მარტს, გამთენიისას  დააკავეს.. ოჯახის წევრების ინფორმაციით, ძანძავას სახლში რამდენიმე ნიღბიანი პირი შეუვარდა. 
 
გატაცებულის ნათესავი  ირაკლი ბახტაძე  ყვება, რომ ნიღბიანმა პირებმა სახლში ხელყუმბარა მიიტანეს, რაც შემდეგ დაკავების საფუძვლად გამოიყენეს. წინააღმდეგობის შემდეგ ისინი ფიზიკურად გაუსწორდნენ ლევან ძაძუას მშობლებაცს  
 
„სპეცრაზმელები, რომლებიც ნიღბებში იყვნენ გამოწყობილები, რამდენიმე ადამიანი შეუვარდა ლევანის ოჯახს. როგორც მიყვებიან, მათ დადეს ხელყუმბარა, რომლის მეშვეობითაც ლევანი საწოლიდან გადმოაგდეს, შემდეგ გაიყვანეს გარეთ და სასტიკად სცემეს. როდესაც მამამისმა წინააღმდეგობა გაუწია, დაადეს ხელბორკილები, რომელიც ლევანის გვერდით სასტიკად აწამეს. დედამისიც არის ნაცემი. ლევანის დაუდეს ხელყუმბარა იმისათვის, რომ აეყვანათ, თუმცა ამ ეტაპზე ლევანი უკვე გათავისუფლებულია,“-განაცხადა ირაკლი ბახტაძემ.
 ინფორმირებული წყაროს ცნობით, ძაძუა ოკუპანტებს სხვა ადამიანში შეეშალათ.
 
„წუხელ გვიან ღამით მოიყვანეს სახლში. დაუკითხავთ. ასე უთქვამთ, რომ სხვა ძაძუაში შეეშალათ და შეცდომით დააკავეს. როგორც ვიცი, სახლში ცემის მერე, იქ, სოხუმის განყოფილებაში აღარ უცემიათ",- აცხადებს წყარო.
 

წინა სტატიაბიძინა ივანიშვილი ბოტანიკური ბაღის კუთვნილი 14 ათასზე მეტ კვ.მ. ფართობის შემოსაღობად ემზადება
შემდეგი სტატიათბილისის საკრებულომ დედაქალაქის გენერალური გეგმა დაამტკიცა
ტელეკომპანია ოდიშის საინფორმაციო სამსახური