ამ დრომდე გაურკვეველი რჩება რა მდგომარეობაშია და რას ედავება ოკუპირებულ ტერიტორიაზე მოქმედი ომონი სოფელ ოტობაიას მკვიდრს ლევან ძაძუას, რომელიც წუხელ დააკავეს საკუთარ სახლში

0
414
ამ დრომდე  გაურკვეველი რჩება რა მდგომარეობაშია და რას ედავება ოკუპირებულ ტერიტორიაზე მოქმედი ომონი სოფელ ოტობაიას მკვიდრს ლევან ძაძუას, რომელიც წუხელ დააკავეს საკუთარ სახლში. 
 
თანასოფლელების თქმით, დე ფაქტო რესპუბლიკის სამართალდამცავები წუხელ გვიან ღამით, დაახლოებით 2 საათზე  შეიჭრნენ ძაძუების ოჯახში, დაკავებისას  მამაკაცს ფიზიკურად გაუსწორდნენ და ყოველგვარი ახსნა – განმარტების გარეშე წაიყვანეს სახლიდან. დაკავებული,    სავარაუდოდ, სოხუმში, დაკითხვაზეა გადაყვანილი
 
ლევან ძაძუას  მშობლები და მეუღლე , რომლებიც ასევე სოფელ ოტობაიაში ცხოვრობენ, აცხადებენ, რომ  ამ დრომდე არ იციან დაკავების მიზეზი. მათ ჯერჯერობით არავინ დაკავშირებია და შესაბამისად მათი კითხვებიც ჰაერში გამოკიდული რჩება .
 
სახელმწიფო უსაფრთხოების სამსახურში ჯერჯერობით კომენტარს არ აკეთებენ.  აცხადებენ,  მხოლოდ იმას, რომ  გავრცელებულ ინფორმაციას ცხელი ხაზის საშუალებით ამოწმებენ.
 
„გააქტიურებულია ცხელი ხაზი და მიმდინარეობს ინფორმაციის გადამოწმება“, – აცხადებენ სახელმწიფო უსაფრთხოების სამსახურში.

წინა სტატიანატო-ს გენერალური მდივანი გალში ირაკლი კვარაცხელიას გარდაცვალების ფაქტს გამოეხმაურა – საოკუპაციო ხაზს გამუდმებით წევენ, ასევე ვხედავთ სხვა აგრესიულ ქმედებებს საქართველოსა და მისი მოქალაქეების წინააღმდეგ“-
შემდეგი სტატიააშშ -ს ელჩის მოვალეობის შემსრულებელმა ირაკლი კვარაცხელიას დაკავებისა და გარდაცვალების ფაქტს “საშინელი” უწოდა
ტელეკომპანია ოდიშის საინფორმაციო სამსახური