ერთ-ერთ უკრაინულ ტელეარხზე ჩართვისას პრეზიდენტმა მიხეილ სააკაშვილმა ელექტრონული ბილეთი წარადგინა და აღნიშნა, რომ 1 აპრილს უკრაინაში ჩასვლას აპირებს.
„ელექტრონული ბილეთი მაქვს. ვარშავიდან კიევში მივფრინავ. ეს ბილეთი ავიღე, ვინაიდან დარწმუნებული ვარ, რომ პოროშენკო მეორე ტურში ვერ გავა და არც ერთი მესაზღვრე არ შეასრულებს მის ბრძანებას, რომელიც უკრაინაში ჩასვლას მიკრძალავს“, – განაცხადა სააკაშვილმა.
თავის მხრივ, უკრაინის სახელმწიფო სასაზღვრო სამსახურის ოფიციალური წარმომადგენელი ოლეგ სლობოდიანი აცხადებს, რომ უკრაინელი მესაზღვრეები საქართველოს ყოფილ პრეზიდენტს მიხეილ სააკაშვილს უკრაინის ტერიტორიაზე არ შეუშვებენ.
„აღნიშნული პირი არ არის უკრაინის მოქალაქე და 2021 წლამდე მისი უკრაინაში შემოსვლის საფუძველი არ არსებობს“, – განაცხადა სლობოდიანმა.