ირაკლი კვარაცხელიას ახლობებს თვითმკვლელობის ვერსიის არ სჯერათ

0
429

გალში გაურკვეველ ვითარებაში გარდაცვლილი ირაკლი კვარაცხელიას ახლობლებს მისი თვითმკვლელობის შესახებ გავრცელებული ინფორმაციის არ სჯერათ. თვითმხილველი ყვება, რომ  , ირაკლი კვარაცხელიას დაკავებისას ოკუპირებული რეგიონის ე.წ. სამართალდამცველებთან დაპირისპირება მოუვიდა. თვითმხილველი არ გამორიცხავს, რომ კვარაცხელია სწორედ ცემის დროს შემოაკვდათ. "ვხედავდი, როგორ დაიჭირეს საწყალი ბიჭი. ცოტა ნასვამიც იყო და რუსებთან სიტყვიერი შელაპარაკება ჰქონდა. ამის შემდეგ მანქანა მოვიდა და წაიყვანეს. ნაბაკევის ბაზაზე ჰყავდათ. დაზუსტებით ვერაფერს ვიტყვით, მაგრამ დარწმუნებული ვარ ნაბაკევის რუსულ ბაზაზე გარდაიცვალა, რადგან ცუდად გახდა და საავადმყოფოდან პირველადი დახმარების გასაწევად ექთნები წაიყვანეს. ხშირად სცემენ ხალხს… შემოაკვდათ და ახლა იგონებენ, რომ თავი ჩამოიხრჩო", – განაცხადა თვითმხილველმა. სახელმწიფო მინისტრის, ქეთევან ციხელაშვილის განცხადებით, ოკუპირებულ გალში ირაკლი კვარაცხელიას გარდაცვალების ფაქტზე სისხლის სამართლის საქმე აღიძვრება.სახელმწიფო უსაფრთხოების სამსახურისთვის ცხელი ხაზით მიღებული ინფორმაციით, ოკუპირებულ გალის რაიონში ადგილობრივმა მკვიდრმა, საქართველოს მოქალაქემ, ირაკლი კვარაცხელიამ თავი მოიკლა. კვარაცხელია მანამდე დეფაქტო ხელისუფლებამ დააკავა.

წინა სტატიაუფასო მედიკამენტების პროგრამა – ზურაბ ჭიაბერაშვილი ჯანდაცვის რეფორმის ჩავარდნაზე საუბრობს
შემდეგი სტატიასერგი კაპანაძე: “თუ ირაკლი კვარაცხელია ნაწამები და მოკლულია, მისი მკვლელები ოთხოზორია-ტატუნაშვილის სიაში უნდა იყვნენ შეყვანილი”
ტელეკომპანია ოდიშის საინფორმაციო სამსახური