"ქართული ოცნების" დეპუტატი ბექა ოდიშარია თაბორის მთაზე სასტუმროს ვეღარ ააშენებს – ამის შესახებ დედაქალაქის მთავრობის სხდომაზე თბილისის მერმა განაცხადა.
კახა კალაძის განმარტებით, თაბორის განაშენიანების მიზანშეწონილობის საკითხის განხილვის შემდეგ გადაწყდა, რომ ამ ტერიტორიაზე სასტუმრო ვეღარ აშენდება.
კალაძის თქმით, გაცემულია გეგმარებითი დავალება, თუმცა ქალაქის ინტერესებიდან გამომდინარე, ამ მონაკვეთზე მშენებლობა მისაღები არ არის.
მერის თქმით, ოდიშარია მისი მეგობარია და ამას არც მალავს, თუმცა ის სასტუმროს ვეღარ ააშენებს. კალაძე ამბობს, რომ ოდიშარია რომ არ დაზარალდეს მას მიწას გადასცემენ.