ნიკა მელია: გიორგი გახარია აუცილებლად გაუცვლის ადგილს დათო კირკიტაძეს

0
403
გიორგი გახარია აუცილებლად გაუცვლის ადგილს დათო კირკიტაძეს, – გურჯაანის რაიონულ სასამართლოსთან „ერთიანი ნაციონალური მოძრაობის" ერთ-ერთმა ლიდერმა, ნიკა მელიამ განუცხადა.
 
მისი თქმით, არ აქვს მოლოდინი, რომ დღეს მოსამართლე დავით კირკიტაძეს აღკვეთის ღონისძიების სახით შეფარდებულ პატიმრობას შეუცვლის.
 
„ხედავთ რა რაოდენობის, ასობით პოლიციელი ჰყავთ მობილიზებული გურჯაანის რაიონული სასამართლოს ეზოში. ამ რაოდენობით თუ ვიხელმძღვანელებთ, არავინ აპირებს კირკიტაძის გარეთ გამოშვებას. ამით ხაზს უსვამენ შემდეგს: მინდა გამოვუშვებ, მინდა დავტოვებ. ის არგუმენტი, რომ თითქოს, კირკიტაძე მიიმალება და საზღვარგარეთ შეაფარებს თავს, ვის სჯერა ამის, გარდა „ქართული ოცნების" მაღალი თანამდებობის პირებისა? როგორც არ უნდა დამთავრდეს დღევანდელი პროცესი, არც თუ ისე შორეულ მომავალში, ის ადამიანი, ვინც კირკიტაძეს არ უშვებს და ეს არ არის მოსამართლე, ეს არის გახარია, აუცილებლად გაუცვლის ადგილს დათო კირკიტაძეს.
 
ძალიან კარგად აცნობიერებს გახარია, თუ რა ძალა არის დათო კირკიტაძე ჩვენი პოლიტიკური პარტიისთვის. თუ მოხდა რამე საოცრება და მოსამართლემ რაღაცნაირად თავი დააღწია გახარიას წნეხს, გამიხარდება", – აცხადებს მელია.
 
ამ წუთებში სასამართლოს დარბაზთან, სადაც დავით კირკიტაძის სასამართლო პროცესი უნდა გაიმართოს, პოლიტიკოსები არიან შეკრებილი. მათ შორის არიან: გრიგოლ ვაშაძე, ზაალ უდუმაშვილი, გიგი უგულავა, ოთარ კახიძე, სერგი კაპანაძე, ირმა ნადირაშვილი, რომან გოცირიძე და სხვები.
წინა სტატიამიხეილ სააკაშვილი: ,,მამუკა ხაზარაძე მე მადანაშაულებს მის ბიზნესზე ზეწოლაში და ეს იმ ფონზე, როდესაც ივანიშვილი ყველაფერს ართმევს და საკუთარ ჯიბეში მიაქვს”
შემდეგი სტატია,,ამ ხელისუფლებას, რომ შეეძლოს, მთელ ოპოზიციას ჩასვამდა ციხეში – ეს არის რუსეთის ფედერაციის თარგზე გამოჭრილი საოკუპაციო რეჟიმი“
ტელეკომპანია ოდიშის საინფორმაციო სამსახური