ჩრდილო კავკასიაში ბოლო ექვს თვეში მოკლულია ასზე მეტი და დაჭრილია რამდენიმე ასეული რუსი პოლიციელი

0
394
 ცნობით, ჩრდილო კავკასიაში, უკანასკნელი ექვსი თვის განმავლობაში, ადგილობრივ მებრძოლებთან შეტაკებისას, რომლებსაც რუსები სპეცოპერაციებს უწოდებენ, უკვე 100–ზე მეტი პოლიციელი დაიღუპა. დაჭრილების საერთოდ რიცხვი კი, რამდენიმე ასეულს აღწევს. – იუწყება პრესა გე –  რუსულ ოფიციალურწყაროებზე დაყრდნობთ. ამავე გამოცემის ცნობით,  არაოფიციალური წყაროები  ირწმუნებიან, რომ დაღუპული რუსი ძალოვნების რაოდენობა გაცილებით მეტია.
 
ეს ხელს არ უშლის მინისტრ ნურგალიევს ამტკიცოს,რომ  ბოლო დროს, რუსმა „სამართალდამცველებმა“, კავკასიელ მებრძოლებთან უთანასწორო ომში, მნიშვნელოვანი პროგრესი განიცადეს და ოპერაციების ნაკლები დანაკარგებით ასრულებენ. თუმცა, რეალური ფაქტები და სტატისტიკა, თვით ისეთ ტოტალიტარულ სახელმწიფოშიც კი, როგორიც რუსეთია, მაინც ვრცელდება.  
 
განსაკუთრებით მძიმე ვითარება დაღესტანშია. რუსი ადამიანის უფლებათა დამცველების ძალზედ მწირი რაოდენობა, არსებულ მდგომარეობას და ხელისუფლებას სტრატეგიას, რომელიც „ძველ გზას“ პრინციპულად არ ღალატობს, სასტიკად აკრიტიკებს. ეს ხმა, ბუნებრივია, უდაბნოში ღაღადისად რჩება. ჩრდილო კავკასიაში კი, ომი ვერა და ვერ დასრულდა და, პირიქით, ახალ ფორმებს და „ვარიაციებს“ იღებს, რაც, მთელი ქვეყნის მასშტაბით, ტერორიზმის საფრთხეს მაქსიმალურ ნიშნულამდე ზრდის.  
 
. თავად, რუსული პოლიციის ინფორმაციითვე, 2011 წლის იანვრიდან ივნისამდე პერიოდში, მთლიანად ქვეყანაში 370 ტერორისტული ხასიათის ინციდენტი დაფიქსირდა, რაც 30 პროცენტით მეტია, გასული წლის ამავე პერიოდთან შედარებით. დაღესტანსა და ყაბარდო–ბალყარეთში, დაჯგუფებების ლიდერები რეზონანასული ტერაქტებით პერმანენტულად იმუქრებიან და, პერიოდულად, ეს მუქარა სისრულეშიც მოჰყავთ. არ წყდება ინდივიდუალური ტერორი, რომელიც ძალოვანი სტრუქტურების წარმომადგენლების წინააღმდეგაა მიმართული. ყოველივე ამის შემდეგ, რუსეთის ხელისუფლების განცხადებები, რომ სიტუაცია კონტროლს ექვემდებარება, უკიდურესად ცინიკურად ჟღერს.
 
გასულ კვირას, დაღესტანში, ფედერალურმა ძალებმა, მორიგი სპეცოპერაცია ჩაატარეს და „ტერორისტული ჯგუფი“ გაანეიტრალეს. შედეგად, დაიღუპა ერთი 20 წლის გოგონა. ცნობილია, რომ მეორე დაღუპული, ასევე, ქალია. ორივე მათგანი, რუსულმა მედიამ „საშიშ ტერორისტებად“ და „ბანდის“ წევრებად მონათლა, რომლებიც ქვეყნის მასშტაბით იძებნებოდნენ. თუმცა, მოგვიანებით, გავრცელდა ხმები, რომ ქალბატონები უბრალო მოქალაქეები იყვნენ და ინციდენტის მომენტისათვის, საკუთარი სახლიდან გარეთ გამოდიოდნენ.
 
რუსული არასამთავრობოების ნაწილმა გამოძიება მოითხოვა, თუმცა, შესაბამის ორგანოებს ამ განცხადებებზე, არანაირი რეაქცია არ მოუხდენიათ. ასეთი სტრატეგია, რუსული სახელმწიფოს ჩვეული ხელწერაა და ის უკვე აღარავის უკვირს. მსგავსი ფაქტები კი, ჩრდილო კავკასიის რეგიონში ვითარებას წლითი წლობით ამძიმებს და, ზოგადად, „ველიაკაია დერჟავას“ საძირკველს, ძირს უთხრის. – წერს გამოცემა.
წინა სტატიადავით კირკიტაძე მოსამართლემ პატიმრობაში დატოვა
შემდეგი სტატიააფხაზეთში გარდაცვლილი ახალგაზრდა დევნილთა ერთიან ბაზაში არ იძებნება
ტელეკომპანია ოდიშის საინფორმაციო სამსახური